ރަމަޟާން މަހަށް ހާއްސަކޮށް އެސްޓީއޯ އިން ކޮންމެ އަހަރަކު ވެސް ބާއްވާ "ރަމަޒާން ބާޒާރު" ޕްރޮމޯޝަން ބޮޑެތި އިނާމުތަކާ އެކު ފަށައިފި އެވެ.
މިއަދުން ފެށިގެން 31 މާރިޗު 2025 ގެ ނިޔަލަށް ކުރިއަށް ގެންދާ މި އަހަރުގެ ބާޒާރުގައި ވެސް، އެހެން އަހަރުތަކެކޭ ވެސް އެއްގޮތަށް ބޮޑެތި ޑިސްކައުންޓްތަކެއް އެސްޓީއޯ ޕީޕަލްސް ޗޮއިސް އަދި އެސްޓީއޯ އަތޮޅުތެރޭގެ ޕީޕަލްސް ޗޮއިސްގެ ފިހާރަތަކުން ކަސްޓަމަރުންނަށް ލިބޭނެ އެވެ.
މިއަހަރުގެ ރަމަޒާން ބާޒާރުގައި 50 ޕަސެންޓާއި ހަމައަށް ހޯމް އެޕްލަޔަންސް އައިޓަމްތަކުން ޑިސްކައުންޓް ލިބޭނެ އެވެ. އަދި 500 ރުފިޔާ އިން މަތިން ކުރާ ކޮންމެ ވިޔަފާރިއަކަށް ކޫޕަންއެއް ލިބޭއިރު ކޮންމެ ހަފްތާއަކު ނަސީބުވެރި ފަރާތަކަށް ހަދިޔާއެއްގެ ގޮތުން ގިފްޓް ހެމްޕަރ އެއް ދިނުމަށްވެސް ވަނީ ހަމަޖެހި ފައެވެ.
ރަމަޒާން ބާޒާރު 2025ގެ އެންމެ ޙާއްސަ ގްރޭންޑް ޕްރައިޒެއްގެ ގޮތުގައި ޕްރޮމޯޝަން ނިމުމުން ގުރުއަތުން ހޮވޭ ނަސީބުވެރި އެއް ފަރާތަކަށް 100،000ރ ގެ ފައިސާގެ އިނާމް ލިބޭނެ އެވެ.
މީގެއިތުރުން މި ޕްރޮމޯޝަން ކުރިއަށްދާއިރު އާއިލީ ހަވީރަކާއި އިންސްޓޯރ ހަރަކާތްތައް ވެސް ކުރިއަށް ގެންދިއުމަށް ވަނީ ހަމަޖެހިފަ އެވެ.