ޗެލްސީ ފަހަތަށް ޖައްސާލައި ޓޮޓެންހަމުން ޒަވީ ސިމޯންސް ގަނެފި ޗެލްސީ ފަހަތަށް ޖައްސާލައި ޓޮޓެންހަމުން ޒަވީ ސިމޯންސް ގަނެފި

ލަންޑަން (އޮގަސްޓް 30) - ޗެލްސީން ގިނަ މަޝްވަރާތަކެއް ކުރަމުން އައި، އާރްބީ ލައިޕްޒިގުގެ ނެދަލެންޑްސް މިޑްފީލްޑަރު، ޒަވީ ސިމޯންސްގެ ޓްރާންސްފާގެ ކަންތައް ހަލުވި ސްޕީޑެއްގައި ޓޮޓެންހަމް ހޮޓްސްޕާސް އިން ނިންމާލައިފި އެވެ.
ޗެލްސީން ވަނީ މި ފަހަރުގެ ޓްރާންސްފާ މާކެޓް ފެށުނުތަނާހެން ޒަވީ ސިމޯންސް، 22، އާ އެކު، ޓްރާންސްފާގެ ކަންކަމުގައި އެއްބަސްވުމަކަށް އަތުވެފަ އެވެ. އޭގެ ފަހުން މަސައްކަތްކުރީ، ލައިޕްޒިގަށް ޒަވީ ސިމޯންސްގެ ޓްރާންސްފާ ފީ ދޭނެ ގޮތަކާ މެދު ކުރިއަށްދިޔަ މަޝްވަރާތަކެވެ. އެ ގޮތުން، ލައިޕްޒިގުން ކިޔާ 70 މިލިއަން ޑޮލަރުގެ ފީ ކުޑަކުރުމަށް ޗެލްސީން ދިޔައީ ބަދަލުގައި ކުޅުންތެރިއެއް ދޭން ވާހަކަ ދައްކަމުންނެވެ.
އެ ވާހަކަތައް ދިގުލައި ދިޔައިރު، ޓޮޓެންހަމް އިން ފުރުސަތުގެ ބޭނުންހިފައި، 65 މިލިއަން ޑޮލަރުގެ ފީއެއް ދައްކާ ގޮތަށް އެ ޓްރާންސް ނިންމާލައި، ޒަވީ ސިމޯންސްގެ ސޮއި ހޯދައިފަ އެވެ.
ޒަވީ ސިމޯންސް ނުލިބުމުން، ބާސެލޯނާގެ ފާމިން ލޮޕޭޒް ހޯދަން ޗެލްސީން މަސައްކަތް ފަށާފައިވާއިރު، އެ ޓީމުން ވަނީ ބްރައިޓަން އަށް ކުޅޭ ފަކުންޑޯ ބުއޮނަނޯޓޭ ލޯނަކަށް ގެންނަން އެއްބަސްވެފަ އެވެ.
ބާސެލޯނާގެ ލަ މާސިއާ އިން އުފެދުުނު ޒަވީ ސިމޯންސް، 22، ވަނީ ޕީއެސްޖީ އަށް ވެސް ކުޅެފަ އެވެ. ޕީއެސްވީ އައިންދޯވަން އަށް ވެސް ކުޅުނު ޒަވީ ސިމޯންސް، މިހާރު ކުޅެމުން އަންނަ ލައިޕްޒިގަށް ބަދަލުވީ، މީގެ ދެ އަހަރު ކުރިންނެވެ. ލައިޕްޒިގަށް ފުރަތަމަ ލޯނަކަށް އައި، ޒަވީ ސިމޯންސްގެ އެއްބަސްވުން އެ ކްލަބުން ދާއިމީ ކުރީ، މި އަހަރު ޖެނުއަރީ މަހުގަ އެވެ. މިދިޔަ ސީޒަނަކީ ޒަވީ ސިމޯންސްގެ ވިދުން ގަދަ އަހަރެކެެވެ. ސީޒަނުގެ ލީގުގައި އޭނާ ވަނީ ކުުޅުނު 25 މެޗުން 17 ގޯލުގައި ހިއްސާ އަދާކޮށްފަ އެވެ.
އަރުޝީފަށް ނެގީ
އެންމެފަހުން އަޕްޑޭޓްކުރީ