ދިވެހި ސިނަމާގައި ބޮޑު މަގުބޫލުކަމެއް ހޯދަމުން އަންނަ ބިރުވެރި ފިލްމު ސީރީޒްގެ ދެވަނަ ބައި، ޕަރީ ޗެޕްޓާ ޓޫ ކުލަގަދަ ރަސްމިއްޔާތަކާއެކު ރޭ ޕްރިމިއާކޮށްފިއެވެ. މިއަހަރުގެ ކުރީކޮޅު ނެރުނު މި ފިލްމުގެ ފުރަތަމަ ބައި، ޕަރީ ޗެޕްޓާ ވަންއަށް ބޮޑު ތަރުހީބެއް ލިބުނެވެ. އޭގެ ތިން މަސް ފަހުން ރޭ ވަނީ، އެ ފިލްމުގެ ދެވަނަ ބައި ޕްރިމިއާކޮށްފައެެވެ. https://sun.mv/216464 ޢަލީ ސީޒަން ޑައިރެކްޓްކޮށް، ހޫދު އިބްރާހިމް ލިޔެފައިވާ މި ފިލްމަކީ އާއިލާއެއްގެ ތެރޭގައި ހިނގާ ނަފްސާނީ އަދި ރޫހާނީ ބިރުވެރި ހާދިސާތަކެއްގެ މައްޗަށް ބިނާކޮށްފައިވާ ފިލްމެކެވެ. ފިލްމުގެ ވާހަކަ ކުރިއަށްދާ ވަރަކަށް ބިރުވެރިކަން އިތުރުވަމުން ގޮސް، ބެލުންތެރިންނަށް ތަފާތު ތަޖުރިބާއެއް ލިބެއެވެ. ޕަރީ ޗެޕްޓާ ޓޫގެ ލީޑު ރޯލެއް އަދާ ރިޝްމީ ރަމީޒް ---- ސަން ފޮޓޯ/ އާއިޝް އަޝްރަފް މި ފިލްމުގެ ލީޑު ރޯލުތަކުން ފެނިގެންދަނީ ބޮލީވުޑްގެ ބަތަލާ ސުރުޖަސިކާ ދާސްގެ އިތުރުން ރާއްޖޭގެ މަޝްހޫރު ތަރިން ކަމަށްވާ ޖުމައްޔިލް ނިމާލާއި ރިޝްމީ ރަމީޒާއި ޝީލާ ނަޖީބާއި ސީޒަންއެވެ. މީގެ އިތުރުން، 'ޕަރީ' ގެ ރޯލުން ފެންނަ މަރިޔަމް ލަމްޝާ ހުނަރުވެރި އެކްޓިންއަށް ގިނަ ބައެއްގެ ތައުރީފު ވަނީ ލިބިފައެވެ. މިއީ ރާއްޖެއާއި ސްރީލަންކާގެ އިތުރަށް އިންޑިއާގެ ފަންނާނުން ގުޅިގެން ކުޅެފައިވާ ފިލްމެކެވެ. ޓެކްނިކަލް ގޮތުން ބަލާއިރު، ފިލްމުގެ ސްޕެޝަލް އިފެކްޓްސް މޭކަޕާއި ޕޯސްޓް-ޕްރޮޑަކްޝަންގެ އިތުރަށް ސައުންޑް ޑިޒައިން ވެސް އަތުރާފައިވާ ގޮތް ފުރިހަމައެވެ. އެހެންވެ، މި ފިލްމުގެ ބިރުވެރިކަން އިތުރުވުމަށް މަގުފަހިވިއެވެ. ޕަރީ ޗެޕްޓާ ޓޫގެ ރެޑްކާޕެޓުގެ ތެރެއިން ---- ސަން ފޮޓޯ/ އާއިޝް އަޝްރަފް މި ފިލްމުގެ ޚާއްސަ އަނެއް ކަމަކީ، ދެވަނަ ބައިގެ ޕްލޮޓު ރާވާފައި ވަނީ، ފުރަތަމަ ބައި ނުބަލާ މީހުންނަށްވެސް މި ފިލްމުގެ ވާހަކަ ފަސޭހައިން ދެނެގަނެވޭނެ ގޮތަށެވެ. ފިލްމުގެ ޑައިރެކްޓަރު ސީޒަން ހާމަކުރި ގޮތުގައި، 'ޕަރީ' ގެ ވާހަކަ މިހިސާބުން ނިމުނީއެއް ނޫނެވެ. "މިއަހަރުގެ ތެރޭގައި 'ޕަރީ: ޗެޕްޓަރ 3' ގެ މަސައްކަތް ފެށުމަށް ވަނީ ތާވަލުކުރެވިފައި" ސީޒަން ބުންޏެވެ. މިއީ، މި ފިލްމުގެ ބެލުންތެރިންނަށް ކުރަން ޖެހުނު އިތުރު އިންތިޒާރަކަށް ވާނެއެވެ. މި ފިލްމުގެ ޓިކެޓް މިހާރު އަންނަނީ ވިކެމުންނެވެ. އޮންލައިންކޮށް ޓިކެޓް ބުކް ކުރުމުގެ ފުރުސަތު ވަނީ ހުޅުވާލާފައެވެ.