މިދިޔަ ނޮވެމްބަރު މަހުން ފެށިގެން ގެއްލިގެން ހޯދަމުންދިޔަ މީހާ ހުރީ ތިލަފުށީގައި ކަމަށް ފުލުހުން މިއަދު ބުނެފި އެވެ.
ވީކިހިނެއް؟ - ފުލުހުން އިއްޔެ ބުނި ގޮތުގައި، ގެއްލިގެން ހޯދީ އަބްދުލްއަޒީޒު މުހައްމަދު، 64، ދުންފިނިގެ/ފުވައްމުލަކެވެ.
ބުނީ ކީކޭ؟ - "އޭނާގެ އާއިލާއަށް އަދި ފުވައްމުލައް ޕޮލިސް ސްޓޭޝަނަށް ގުޅައި އޭނާ ހުރީ ތިލަފުށީގައި ކަމާއި ހާލު ރަނގަޅު ކަމަށް ވަނީ މައުލޫމާތު ދީފައި،" ފުލުހުން މިއަދު ސޯޝަލް މީޑިއާގައި ބުންޏެވެ.
ތަފްސީލް - އަބްދުލްއަޒީޒު ހޯދަން އިއްޔެ ކުރި އިއުލާނުގައި ފުލުހުން ބުނި ގޮތުގައި، އޭނާއަކީ މުދާ އުފުލާ ދޯނިފަހަރުގައި މަސައްކަތްކުރާ މީހެކެވެ. އެގޮތުން، ފުލުހުން އިއްޔެ ބުނީ:
އޭނާގެ ހަބަރެއް އާއިލާއަށް އެންމެ ފަހުން ވެފައިވަނީ މިދިޔަ 3 ސެޕްޓެމްބަރުގައި 
އޭނާގެ އާއިލާގެ މީހަަކަށް މިދިޔަ ނޮވެމްބަރު މަސް ތެރޭ އައިޖީއެމްއެޗު ކައިރިން އޭނާ ފެނުނު ކަމަށް ފުލުހުންނަށް މައުލޫމާތު ދީފައިވޭ