މިހާރަކަށް އައިސް ކައިވެނި ރޫޅާލުން މިވަނީ ކުޅޭ ކުޅިވަރަކަށް ހަދައިފައެވެ. ތިމާގެ ހިތް ހަމަނުޖެހޭ ކިތަންމެ ކުޑަ ކަމެއް އަނެކާގެ ކިބައިން ފެނުނަސް އަވަސްވެގަންނަނީ ވަރިވުމަށެވެ. މިއީ ހާދަ ދެރަކޮށް ކުރެވޭ ކަމެކެވެ.  
ދާދިފަހުން ކައިވެނި ރޫޅާލަން ބޭނުންވި އަންތބަކު ސަބަބެއް ކަމަށް ބުނީ ކައިވެނިރޫޅައިލަން ނިންމީ ފިރިމީހާ ސޯޝަލް މީޑިއާގައި ހިލޭ އަންހެނުންނަށް ހިތް ފޮނުވާތީކަމަށެވެ. ހިތް ފޮނުވަނީ އެމީހުންދެކެ ލޯބިވާތީ ކަމަށެވެ.  
އަހުރެން ސުވާލުކުރީމެވެ. "ފިރިމީހާ ތިބާއަށް އެއްވެސް ކަމެއް އުނިކޮށްފިހެއްޔެވެ؟" ޖަވާބަކީ ނުކުރެއެވެ. ދެން އަހުރެން ސުވާލުކުރީ ބޭވަފާތެރިވުމުގެ އެއްވެސް ޢަމަލެއް ގެނިއްޖެތޯއެވެ؟ ޖަވާބަކީ ނުފެނެއެވެ.  
އެހިސާބުން ފިރިމީހާ ބުންޏެވެ. "އަހުރެންގެ ފޯނު މިއޮތީއެވެ. ރަނގަޅަށް ބަލާށެވެ. އެތައް ބައިވަރު ފިރިހެނުންނަށްވެސް އަހުރެން ހިތް ފޮނުވަމެވެ. އެއީ އަހުރެން އެމީހުންދެކެވެސް ލޯބިވާތީހެއްޔެވެ؟ އަހުރެންނަށް ކަމުދާ ލިޔުމެއް ނުވަތަ ފޮޓޯއެއް ފެނުމުން އަހުރެން އެންމެންނަށްވެސް ހިތް ފޮނުވަމެވެ. އެއީ އެއިން އެއްވެސް މީހަކު ދެކެ ލޯބިވާތީއެއް ނޫނެވެ. އެލިޔުން ނުވަތަ ފޮޓޯ އަހުރެންނަށްވެސް ކަމުދާވާހަކަ ބުނުމަށެވެ."  
އަހުރެން ބުނީމެވެ. "ދީނީ ޢިލްމްވެރިންގެ ބަސްފުޅުތަކަށްވެސް މީހުން ހިތް ފޮނުވައެވެ. އެއީ އެމީހުން ދެކެ ލޯބިވާތީ ކުރާކަމެއްކަމަށް ވިސްނަންވެއްޖެނަމަ އެވިސްނެނީ އެމީހުންނަކީ  އެއްޖިންސުން ގުޅުން ހިންގާ ބައަކު ކަމަށް ނޫންހެއްޔެވެ؟ ވީމާ ވިސްނުން ތިއަހައި ދަށުދަރަޖައިގަ ނުގެންގުޅޭށެވެ. މިހާރު ގިނަ ބައަކު އިމޯޖި ފޮނުވަނީ ކޮމެންޓްކޮށް ލިޔާނެ ވަޤުތު ސަލާމަތްކުރުމަށެވެ. ވީމާ ދެމަފިރިންވެސް އެކަކު އަނެކަކަށް ހިތްސާފުކުރާށެވެ. ފެންނަ މިބާވަތުގެ ކުދިކުދި ކަންކަމާއިގުޅިގެން ކައިވެނި ރޫޅާލަން ވެއްޖެނަމަ އަހުރެމެންގެ ޙާލަކީ ކޮބައިހެއްޔެވެ؟ ހަމަޤައިމުވެސް އެއީ ﷲ ތަޢާލާ ރުހިވޮޑިގަންނަވާނެ ގޮތެއް ނޫނެވެ."  
ދެމަފިރިން ނުކުމެގެން ދިއައީ އެކަކު އަނެކަކަށް ހިތްހެޔޮކޮށްގެން ތިބެއެވެ. ވަރަށް ލޯބިން އަތުގައި ހިފާލައިގެންނެވެ.
 
- ތަޖުރިބާކާރު ޢިލްމްވެރިއެއްގެ ބަސްފުޅަކުން / މިއަދުނޫސް