މާފަންނުގައި ހުންނަ ގެއެއްގެ ތެރެއިން މަރުވެފައި އޮތް މީހަކު ފެނިއްޖެއެވެ.
ފުލުހުން މިއަދު ބުނީ މާލޭ، މާފަންނު، ދަކަންދާމަގުގައި ހުންނަ ގެއެއްގައި މީހަކު މަރުވެފައި އޮއްވައި ފެނުނު މައްސަލައެއް މިއަދު މެންދުރު 1:01 ހާއިރު ރިޕޯޓުކޮށްފައިވާ ކަމަށެވެ.
މަރުވެފައި އޮއްވައި ފެނިފައިވަނީ ތޯތާޕަރީ / ސ. ހުޅުދޫ، މުހައްމަދު ނިޒާރު (54އ) އެވެ.
ފުލުހުން ބުނީ މުހައްމަދު ނިޒާރު މަރުވުމުގައި އެހެން މީހެއްގެ ބައިވެރިވުމެއް އޮތްކަމަށް ނުވަތަ ކުށުގެ ތުހުމަތެއް ކުރެވޭ ފަދަ ކަމެއް މިހާތަނަށް ތަހުގީގަށް ފާހަގަކުރެވިފައިނުވާ ކަމަށެވެ.
ފުލުހުން ގެންދަނީ އެ މައްސަލަ ތަހުގީގުކުރަމުންނެވެ.