ޤަވާއިދާއި ޚިލާފަށް މަސައްކަތްކުރަމުންދިޔަ 16 ބިދޭސީއަކު މާލެއިން ހައްޔަރުކޮށްފިއެވެ. މި ބިދޭސީން ހައްޔަރުކޮށްފައިވަނީ އިމިގްރޭޝަނުން މާލޭގެ 4 ތަނެއް ބަލައި ފާސްކުރުމަށްފަހުއެވެ.އިމިގްރޭޝަނުން މައުލޫމާތު ދެއްވިގޮތުގައި، މި ބިދޭސީން ހައްޔަރުކޮށްފައިވަނީ ޤަވާއިދާ ޚިލާފަށް ރާއްޖޭގައި އުޅޭ ބިދޭސީން ހުއްޓުވުމަށް އިމިގްރޭޝަނުން މިހާރު ކުރިއަށްދާ ޚާއްސަ މަސައްކަތުގެ ދަށުންނެވެ. މި މަސައްކަތް ފެށިފައިވަނީ ޖޫންމަހުގެ 30 ވަނަ ދުވަހުއެވެ.އިމިގްރޭޝަނުން އިތުރަށް ވިދާޅުވީ، މިހާތަނަށް 130 އަށްވުރެ ގިނަ ބިދޭސީން އިމިގްރޭޝަންގެ ބެލުމުގެ ދަށަށް ގެންގޮސްފައިވާ ކަމަށެވެ. އަދި ޤަވާއިދާ ޚިލާފަށް އުޅޭ ބިދޭސީންގެ މައްސަލަ ރިޕޯޓް ކުރުމަށް "އިމިގްރޭޝަން ވޮޗް" ގެ ނަމުގައި ޚާއްސަ އޮންލައިން ޕްލެޓްފޯމެއް އިފްތިތާހުކޮށްފައިވާ ކަމަށްވެސް އިމިގްރޭޝަނުން ވަނީ ހާމަކޮށްފައެވެ.މި މަސައްކަތަކީ ރާއްޖޭގައި އިތުރުވަމުންދާ ޤަވާއިދާ ޚިލާފު ބިދޭސީންގެ މައްސަލަ ހައްލުކުރުމަށް އިމިގްރޭޝަނުން ކުރަމުންދާ މަސައްކަތްތަކުގެ ތެރެއިން އެއް މަސައްކަތެވެ. މި މަސައްކަތުގެ ސަބަބުން ރާއްޖޭގެ އިޤްތިސާދަށާއި އިޖްތިމާއީ ރައްކާތެރިކަމަށް ކުރާނެ އަސަރު ކުޑަކުރެވޭނެ ކަމަށް އުއްމީދު ކުރެވެއެވެ.