ފަލަކީ ހިސާބުތައް ދައްކާގޮތުން އީދު ވާނީ އަންނަ ހުކުރު ދުވަހަށް ކަމަށް ފަލަކީ އިލްމްވެރިޔާ އަދި ކުރީގެ ރައީސް މައުމޫން އަބްދުލް ގައްޔޫމް ވިދާޅުވެއްޖެއެވެ. ޓްވިޓާގައި މީހަކު ރައީސް މައުމޫނު އަރިހު "އީދު ވާނީ ކޮން ދުވަހަކުތޯ؟" ސުވާލުކުރެއްވުމުން ރައީސް މައުމޫނު ވިދާޅުވީ، ފަލަކީ ހިސާބުން ދައްކާގޮތުގައި އީދު ވާނީ ހުކުރު ދުވަހަށް ކަމަށެވެ. ބެލެވޭ ގޮތުގައި ހުކުރު އީދު ވާނޭ ކަމަށް އޭނާ ރައީސް މައުމޫނު އަރިހު ސުވާލުކުރެއްވީ މިފަހަރުގެ އީދު އަންނާނީ ހޮނިހިރު ދުވަހު ކަމަށް ބައިނަލްއަޤްވާމީ ބައެއް ފަރާތްތަކުން ބުނަމުން ދާތީއެވެ. https://twitter.com/maumoonagayoom/status/1647980428580757507 މިގޮތުން އިންޓަނޭޝަނަލް އެސްޓްރޮނޮމިކަލް ސެންޓާ(އައިއޭސީ)އިން ލަފާކޮށްފައިވަނީ މިފަހަރުގެ ފިތުރު އީދުދުވަސް ކަމަށް ވާނީ ހޮނިހިރު ކަމަށެވެ. އަބޫދާބީގައި ހުންނަ އެސްޓްރޮނޮމިކަލް މުއައްސަސާއެއް ކަމަށްވާ އައިއޭސީއިން ނެރުނު ބަޔާނެއްގައި ބުނެފައި ވަނީ, އެ ސެންޓަރުގެ ލަފާ ބިނާވެފައިވަނީ ފަލަކީ މައުލޫމާތަށް ކަމަށާއި އީދުގެ ސީދާ ތާރީޚު ޔަގީންކުރާނީ ހަނދު ފެނުމުން ކަމާބެހޭ ފަރާތްތަކުން ކަމަށެވެ. https://www.sun.mv/176178 ރާއްޖޭގެ ޚިޖްރީ ކަލަންޑަރުގައި ވާގޮތުން މިފަހަރުގެ ފިތުރު އީދު ދުވަހަށް ވަނީ ރައީސް މައުމޫނު ވެސް ފާހަގަކުރެއްވި ފަދައިން ހުކުރު ދުވަހެވެ.