ގައުމެއްގެ މިނިވަންކަން ދެމެދެއްޓުމަށްޓަކައި ގައުމީ ޝުއޫރު އާާލާކޮށް ވަރުގަދަކުރުން މުހިންމު ކަމަށް ކުރީގެ ރައީސް މައުމޫނު އަބްދުލް ގައްޔޫމު ވިދާޅުވެއްޖެ އެވެ.
ގައުމީ ދުވަހުގެ މުނާސަބަތުގައި ރައީސް މައުމޫނު ކުރެއްވި ޓުވީޓެއްގައި ވަނީ ރާއްޖޭގެ ގައުމީ ދުވަހުގެ ތަހުނިޔާ ރާއްޖޭގެ ހުރިހާ ރައްޔިތުންނަށް ފޮނުވައިފަ އެވެ.
މައުމޫނު ވިދާޅުވީ މިފަދަ ބަނަ ވަމުންދާ ދުނިޔެއެއްގައި ކޮންމެ ގައުމެއްގައިވެސް އެ ގައުމެއްގެ މިނިވަންކަން ދެމެހެއްޓުމަށްޓަކައި ގައުމީ ޝުއޫރު އާލާކޮށް ވަރުގަދަކުރުން ވަރަށް މުހިންމު ކަމަށެވެ.
Twitter Embeded
ގައުމީ ދުވަހުގެ ގޮތުގައި ރާއްޖޭގައި ފާހަގަކުރަމުން އަންނަނީ ހިޖްރީ ގޮތުން ކޮންމެ އަހަރެއްގެ ރަބީއުލް އައްވަލް މަހުގެ 1 ވަނަ ދުވަހެވެ. އެއީ ޕޯޗުގީޒުންގެ އަތުން ރާއްޖެ މިނިވަންކަން ހޯދި ދުވަހެވެ.
މީގެ ކުރިން ގައުމީ ދުވަސް ފާހަގަ ކުރުމަށް ކޮންމެ އަހަރަކުވެސް ކުލަގަދަ ހަފްލާތަކާއ ހަރަކާތްތައް ބާއްވަ އެވެ. އެހެންނަމަވެސް މި އަހަރު ކޮވިޑްގެ ސަބަބުން ރާއްޖޭގައި އަޅާފައިވާ ރައްކާތެރިކަމުގެ ފިޔަވަޅުތަކާއިއެކު މި ހަރަކާތްތައް ކުރިއަށް ގެންދެވޭގޮތް ވަނީ ނުވެފައެވެ.
އެހެންނަމަވެސް މިއަދު ވަނީ ގައުމީ ދުވަސް ފާހަގަކުރުމަށް ދިދަނެގުމުގެ ރަސްމިއްޔާތެއް މާލޭގައި ބާއްވައިފަ އެވެ.