އައްޑޫ ސިޓީ، ފޭދޫ ދާއިރާގެ މަޖިލިސް މެންބަރު އިބްރާހިމް ދީދީ (އައިބީ) ގެ ދެކަނބަލުން ދެއްވާ ޚާއްސަ ރޯދަ ވީއްލުމެއް މިއަދު ހަވީރު އޮންނާނެ އެވެ.
ރުމާލު2 އަށް މައުލޫމާތު ލިބިފައިވާ ގޮތުގައި މި ރޯދަ ވީއްލުން ބޭއްވުމަށް ހަމަޖެހިފައިވަނީ، މިއަދު ހަވީރު ފޭދޫ ބަނދަރު ސަރަހައްދުގައެވެ.
އައްޑޫ ސިޓީއަށް ނިސްބަތްވާ މަޖިލިސް މެންބަރުންގެ ތެރެއިން ވެސް ހުރިހާ ފިކުރެއްގެ ރައްޔިތުންނާއި ވެސް ގުޅިގެން މަސައްކަތް ކުރައްވާ ކަމަށް ގިނަ ބަޔަކު ފާހަގަކުރާ އައިބީ ވަނީ މިދިޔަ އަހަރު ވެސް ފޭދޫ ރައްޔިތުންނަށް ރޯދަ ވީއްލުމެއް ދެއްވާފައެވެ.
ފޭދޫގެ ތަރައްޤީއަށް ސަރުކާރާއި ގުޅިގެން މެންބަރު އައިބީ މަސައްކަތް ކުރެއްވުމުގެ ނަތީޖާއެއްގެ ގޮތުން ފޭދޫގައި ސަރުކާރަށް ތާޢީދު ކުރާ ފަރާތްތައް އިތުރުވަމުން ގެންދާ ކަން ވެސް ފާހަގަކޮށްލެވެއެވެ.