މާލޭގެ ބައެއް ސަރަހައްދުތަކަށް ކަރަންޓުގެ ހިދުމަތް ކެނޑިއްޖެ އެވެ.
މާލޭގައި ކަރަންޓުގެ ހިދުމަތް ފޯރުކޮށްދޭ ކުންފުނި ކަމަށްވާ ސްޓެލްކޯ އިން ބުނެފައިވަނީ މާލޭގެ ބައެއް ސަރަހައްދުން ކަރަންޓުގެ ހިދުމަތް ކެނޑިފައިވަނީ ޓްރާންސްފޯމާއަށް ދިމާވި މައްސަލައަކާ ގުޅިގެން ކަމަށެވެ.
މިހާރު މަސައްކަތް ކުރަމުން އަންނަނީ އެ މައްސަލަ ވީހާވެސް އަވަހަކަށް ހައްލުކުރުމަށްކަމަށް ސްޓެލްކޯއިން ވަނީ ބުނެފައެވެ. އަދި ކަރަންޓުގެ ހިދުމަތް ކެނޑުމުން އެކަމަށް ނިހާޔަތަށް މައާފަށް އެދޭ ކަމަށްވެސް ސްޓެލްކޯއިން ބުނެއެވެ.
ސްޓެލްކޯއިން ބުނެފައިވަނީ ޓްރާންސްފޯމަރަށް ލިބުނު ގެއްލުމުގެ ސަބަބުން މާލޭގެ ކޯރުކެނޑި މަގާއި އެ މަގުގެ ކައިރި ސަރަހައްދުން ކަރަންޓު ގޮސްފައިވާ ކަމަށެވެ.
ކަރަންޓު ކެނޑިފައިވާ ސަރަހައްދުތަކަށް ކަރަންޓު ފޯރުކޮށްދިނުމަށް ގާތްގަނޑަކަށް ހަވަރަކަށް ގަޑިއިރުވާނެ ކަމަށް ސްޓެލްކޯ އިން ވަނީ ބުނެފައެވެ.