ރިޔާސީ އިންތިޚާބުގެ ވޯޓުލުމުގެ ހައްގު ލިބިފައިވާ މީހުންގެ ލިސްޓުގައި އެކަށީގެންވާ ވަގުތު ނުލިބި ސޮއެ ނުކުރާނެކަމަށް ޖުމްހޫރީ ގުޅުމުން ބުނެފިއެވެ.
ވީނިއުސްއަށް މައުލޫމާތުދެއްވަމުން ޖުމުހޫރީގުޅުމުގެ ކެމްޕެއިން ސްޓިއަރިން ކޮމިޓީގެ ޗެއާމަން އުމަރު ނަސީރު ވިދާޅުވީ، ރިޔާސީ އިންތިޚާބުގައި ވޯޓު ލުމުގެ ހައްޤު ލިބިފައިވާ މީހުންގެ ލިސްޓް ބަލާ ޗެކް ކުރުމަށް އެކަށީގެންވާ ވަގުތު ލިބިފައިވާކަމަށް ޖުމްހޫރީ ގުޅުމުން ޤަބޫލު ނުކުރާ ކަމަށާއި އެހެން ކަމުން އެކަށީގެންވާ ވަގުތު ނުލިބި ޖުމްހޫރީ ގުޅުމުން ވޯޓާސް ލިސްޓުގައި ސޮއެ ނުކުރާނެ ކަމަށެވެ.
އުމަރު ވިދާޅުވީ، އިންތިހާބު މާދަމާ ބޭއްވުމަށް ޖުމުހޫރީގުޅުމުންވެސް ބޭނުންވާ ކަމަށާއި އެހެންނަމަވެސް ގޮތްނޭންގޭ ލިސްޓެއްގައި ސޮއިކޮށް ކޮމިޝަނާ ހަވާލުކޮށްފިނަމަ އެގެއްލުވާލެވެނީ އެތައް ރައްޔިތުންތަކެއްގެ ހައްގު ކަމަށެވެ.
އަދި ވޯޓަސް ލިސްޓްގައި ސޮއި ކުރުމަށް ޖުމުހޫރީގުޅުމުން އިލެކްޝަނަށް ހުށަހަޅާފައިވަނީ ދެ ކަމެއް ކަމަށާއި ފުރަތަމަ ކަމަކީ ރީރަޖިސްޓްރޭޝަނަށް ހުޅުވާލުމުން ރަޖިސްޓްރީ ކުރުމަށް ފޯމް ހުށަހެޅި ހަތްދިހަ ތިންހާސް ފޯމްގެ 5 އިންސައްތަ ފޯމަކީ ސައްކަ ފޯމްކަމަށް އިލެކްޝަނުން ކަށަވަރުކޮށްދިނުން ކަމަށް އުމަރު ވިދާޅުވިއެވެ.
އުމަރު ނަސީރު ވިދާޅުވީ، އަދި ދެވަނަ ކަމެއްގެ ގޮތުން ވޯޓަސް ލިސްޓްގެ ފައިނަލް ލިސްޓް ބަލާ ޗެކް ކުރުމަށް ޖުމުހޫރީ ގުޅުމުން ބޭނުންވާ ކަމަށެވެ.
އުމަރު ނަސީރު ވިދާޅުވީ، އެމްޑީޕީގެ ރިޔާސީ ކެންޑިޑޭޓް ވޯޓަސް ލިސްޓްގައި ސޮއިކޮށްފައިވާ ކަމަށް ބުނެ ދައްކާ ވާހަކަތައް ގަބޫލު ނުކުރެވޭ ކަމަށާއި މިއީ އެމްޑީޕީން ފަތުރާ ޕްރޮޕެގެންޑާ ކަމަށެވެ.
ސަބަބެއްކަމަށް އުމަރު ނަސީރު ވިދާޅުވީ، ކޮންމެ ރިޔާސީ ކެންޑިޑޭޓަކު އަށްހާސް އޭފޯ ގަނޑުގައި ސޮއިކުރަން ޖެހޭ ކަމަށް އުމަރު ވިދާޅުވިއެވެ.