ގއ. ވިލިނގިލީ ކައުންސިލް އިދާރާގެ ދޮރުމަތީގައި އެރަށުގެ ރައްޔިތަކު އިހުތިޖާޖު ކުރަން ފަށައިފިއެވެ. ސޯޝަލް މީޑިއާގައި ދައުރުވަމުންދާ ފޮޓޯއާއި ވީޑިއޯ ތަކުން ފެންނަ ގޮތުގައި އެމީހާވަނީ ކައުންސިލް އިދާރާގެ ދޮރުމަތީ ނިދާ ގޮދަޑިއާއި ބާލީސް އަޅައިގެން އޮށޯވެ އޮވެ ނިދާ ކައިބޮއެ ހަދާފައެވެ. މިއަދު ހެނދުނު 7.30 އިން ފެށިގެން ކުރަމުން ދާ މި އިހުތިޖާޖާއި ގުޅިގެން ފުލުހުންވެސް އެ ސަރަޙައްދުގައި ޙަރަކާތްތެރިވަމުންދާ މަންޒަރު ފެނެއެވެ.
ހޫނުގަދަ ދުވަހެއްކަމުން ކުޑަވެސް ނަގައިގެން އޮތް މިމީހާ އިޙުތިޖާޖު ކުރަމުންދަނީ އެރަށުން އޭނާއަށް ލިބިފައިވާ ހައުސިން ޔުނިޓް އިންސާފުން ބޭރުން އެހެން މީހަކަށް ދިނުމަށް ކައުންސިލުން ނިންމުމާ ގުޅިގެން ކަމަށް ބުނަމުން ދެއެވެ. ނުކުޅެދުންތެރިކަން ހުންނަ 2 ކުދިންނާއެކު 4 ކުދިން ބަލަހައްޓަމުން އަންނަ އެފަރާތަކީ ވިލިނގިލީ ޖަވާހިރުމާގޭ ފާތިމަތު ޙާލިދާއެވެ. ޚާލިދާގެ އާއިލާ ގައި ވަންނާނެ އެއްވެސް ތަނެއް ނެތްކަމަށް އޭނާދަނީ މި އިހުތިޖާޖުގައި އަޑު އުފުލަމުންނެވެ.
 
އިތުރު ތަފްސީލު އަންނަނީ…