މި ސަރަހައްދުގެ ގައުމުތަކުން އެމެރިކާގެ ޑިއުޓީ ލިސްޓުގެ އެންމެ ބޮޑުކޮށް ހިމެނެނީ ސްރީލަންކާ އާއި ބަންގާޅު އަދި އިންޑިއާ އެވެ.
އެމެރިކާ އިން މުޅި ދުނިޔޭގެ ހުރިހާ ގައުމެއްގެ ގައުމުތަކަށް ނަގާ ޓެކުސްގެ ރޭޓްތައް އާއްމު ކުރިއިރު ރާއްޖެ ހިމެނެނީ އެންމެ ދަށްކޮށް ޓެކްސް ނަގާ ގައުމުތަކުގެ ތެރޭގަ އެވެ.
އެމެރިކާގެ ރައީސް ޑޮނަލްޑް ޓްރަންޕް އިއްޔެ އިއުލާނު ކުރެއްވި ޓެރިފްގެ ލިސްޓުގައި ރާއްޖޭން އެމެރިކާއަށް އެތެރެކުރާ މުދަލަށ 10 ޕަސެންޓުގެ ޑިއުޓީއެއް ނަގަން ކަނޑައަޅާފައިވެ އެވެ. ރާއްޖޭގެ އިތުރުން 10 ޕަސެންޓުގެ ޑިއުޓީ ނަގާ ގައުމުތަކުގެ ތެރޭގައި އިނގިރޭސިވިލާތާއި ސިންގަޕޫރު ގަދަ ގައުމުތައް ހިމެނެ އެވެ. ރާއްޖޭން އާއްމުކޮށް އެމެރިކާއަށް އެތެރެ ކުރަނީ މަހުގެ ބައެއް ބާވަތްތެކެވެ. ނަމަވެސް މިއީ ނިސްބަތުން މަދު އަދަދެކެވެ.
މި ސަރަހައްދުގެ ގައުމުތަކުގެ ތެރޭން އެމެރިކާއަށް އެތެރެކުރާ މުދަލުން ޑިއުޓީ އެންމެ ބޮޑަށް ނަގަން ނިންމި ގައުމަކީ ސްރީލަންކާ އެވެ. އެ ގައުމުން އެމެރިކާ އަށް އެތެރެކުރާ މުދަލުން 88 ޕަސެންޓް ޑިއުޓީ ނަގަ އެވެ. އަދި އިންޑިއާ އިން އެމެރިކާ އަށް އެތެރެކުރާ މުދަލުން 56 ޕަސެންޓުގެ ޑިއުޓީ ނަގާނެ އެވެ. އަދި ބަންގާޅުން އެމެރިކާ އަށް އެތެރެކުރާ މުދަލުން 74 ޕަސެންޓުގެ ޑިއުޓީއެއް ނަގާނެ އެވެ. މި ގައުމުތަކުން އާއްމުކޮށް އެމެރިކާއަށް އެތެރެކުރަނީ ކާބޯ ތަކެއްޗާއި އަންނައުނެވެ. މިގޮތުން އިންޑިއާއަކީ ކާބޯ ތަކެތި އެތެރެކުރާ ގައުމެކެވެ. އަދި ބަންގާޅާއި ސްރީލަންކާއިން އެމެރިކާއަށް އެތެރެކުރަނީ އަންނައުނެވެ.
މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ
ރާއްޖެ ހިމެނެނީ އެމެރިކާ އިން އެންމެ މަދުން ޑިއުޓީ ނަގާ ލިސްޓުގައި
އަރުޝީފަށް ނެގީ
އެންމެފަހުން އަޕްޑޭޓްކުރީ
އެންމެފަހުން އަޕްޑޭޓްކުރީ