އުރީދޫ މޯލްޑިވްސްގެ މިދިޔަ އަހަރުގެ ހިއްސާގެ ފައިދާގެ ގޮތުގައި، ކޮންމެ ހިއްސާއަކަށް 3.54 ރުފިޔާ ބެހުމަށް އެ ކުންފުނީގެ ހިއްސާދާރުން ފާސްކޮށްފިއެވެ. އެގޮތަށް ފާސްކޮށްފައި ވަނީ މިދިޔަ ބުދަ ދުވަހުގެ ރޭ، ހުޅުމާލޭގައި ހުންނަ އުރީދޫގެ މައި އޮފީހުގައި ބޭއްވި އެ ކުންފުނީގެ އަހަރީ އާންމު ޖަލްސާގައެވެ. އެ ޖަލްސާގައި 353 ހިއްސާދާރުން ބައިވެރިވެފައިވެއެވެ. އޭގެ ތެރޭގައި ޖަލްސާއަށް ގޮސްގެން ބައިވެރިވި 144 ހިއްސާދާރުންނާއި، 209 ހިއްސާދާރުން ތަމްސީލުކުރި 27 ޕްރޮކްސީ ހޯލްޑަރުން ހިމެނެއެވެ. އުރީދޫން ބުނި ގޮތުގައި ޖަލްސާގައި ތަމްސީލުކޮށްފައި ވަނީ ކުންފުނީގެ ޖުމްލަ ހިއްސާގެ 98 އިންސައްތައެވެ. އެއީ 144,202,029 ހިއްސާއެވެ. އުރީދޫގެ މިދިޔަ އަހަރުގެ އޭޖީއެމްގެ ތެރެއިން: އުރީދޫން 2025ގެ ފައިދާއަށް، ހިއްސާއަކަށް 3.54 ރުފިޔާ ބަހަން ފާސްކޮށްފި -- ފޮޓޯ/ އުރީދޫ އުރީދޫގެ އަހަރީ އާންމު ޖަލްސާގެ އެޖެންޑާގެ ދަށުން ހިއްސާދާރުން ފާސްކުރި އިތުރު ކަންތައްތަކުގެ ތެރޭގައި މާޗު 09، 2025ގައި ބޭއްވި އަހަރީ އާންމު ޖަލްސާގެ ޔައުމިއްޔާއާއި، މިދިޔަ އަހަރުގެ މާލީ ބަޔާންތަކާއި، ޑިރެކްޓަރުންގެ ރިޕޯޓުގެ އިތުރުން މި އަހަރުގެ އޮޑިޓަރުންގެ ގޮތުގައި ކޭޕީއެމްޖީ އައްޔަންކުރުމަށާއި އެ ފަރާތަށް ދޭ އުޖޫރަ ވަނީ ފާސްކޮށްފައެވެ. ހަމައެއާއެކު މި ޖަލްސާގައި އުރީދޫގެ ބޯޑަށް ޑިރެކްޓަރުން އައްޔަންކުރުން ވެސް ކުރިއަށްދިޔައެވެ. އޭގެ ތެރޭގައި އައްޔަނުކޮށްފައިވާ ބޭފުޅުންނަކީ: ކުންފުނީގެ ވަތަނިއްޔާ އިންޓަނޭޝަނަލް ތަމްސީލުކުރުމަށް ފާތިމަތު ސުލްތޯން އަލް-ކުވާރީ ބޯޑު ޑިރެކްޓަރަކަށް އަބްދުﷲ އަލީ އުރީދޫން ވަނީ އެ ކުންފުނީގެ ހިއްސާދާރުން ކުރާ އިތުބާރަށް ޝުކުރު އަދާކޮށްފައެވެ. އަދި އެ ކުންފުނިން މަސައްކަތް ކުރަނީ ހިއްސާދާރުންގެ އަގު އިތުރުކޮށް، ދެމެހެއްޓެނިވި ފައިދާއެއް ހޯދުމަށާއި، ގައުމީ އަދި މުޖުތަމައުގެ ތަރައްގީގައި މުހިންމު ދައުރެއް އަދާކުރުމަށް ކަމަށް އެ ކުންފުނިން ބުންޏެވެ. ހަމައެއާއެކު އެ ކުންފުނީގެ އަމާޒަކީ ޑިޖިޓަލް ބާރުވެރި ރާއްޖެއެއް ބިނާކޮށް، ކަސްޓަމަރުންނަށް މިހާރަށްވުރެ ރަނގަޅު ޚިދުމަތްތައް ފޯރުކޮށްދިނުން ކަމަށް އުރީދޫން ބުންޏެވެ.