މަސްތުވާތަކެތީގެ ވިޔަފާރި ކުރާ ފަރާތްތަކަށް މަރުގެ އަދަބު ދޭ ގޮތަށް ގާނޫނަށް ގެނައި އިސްލާހުތަކަށް މިއަދު އަމަލުކުރަން ފަށައިފި އެވެ.
މަސްތުވާތަކެއްޗާ ބެހޭ ގާނޫނަށް ގެނައި އިސްލާހުގައި މަސްތުވާތަކެތި އެތެރެކޮށް ވިޔަފާރި ކުރާ ފަރާތްތަކަށް މަރުގެ އަދަބު ދިނުމަށް ކަނޑައަޅާފައި ވަނީ ތިން ހާލަތެކެވެ. އެއީ؛
350 ގްރާމަށްވުރެ އިތުރަށް ކެނެބިސް ފެނުން250 ގްރާމަށްވުރެ އިތުރަށް ޑައިމޯފިން ފެނުންކެނެބިސް ނުވަތަ ޑައިމޯފިން ފިޔަވައި ޖަދުވަލުގެ އެކެއްގައިވާ މަސްތުވާތަކެތީގެ ބާވަތެއްނަމަ، 100 ގްރާމަށްވުރެ އިތުރު އަދަދަކަށް ފެނުން
އެ އިސްލާހުގައިވާ ގޮތުން އެ ފަދަ ކުށެއް ސާބިތުވެ ސުޕްރީމް ކޯޓުގެ ފަނޑިޔާރުންގެ ބެންޗުގެ އިއްތިފާގުން ހުކުމް ކޮށްފިނަމަ، މަސްތުވާތަކެތީގެ ވިޔަފާރި ކުރާ މީހުންނަށް މަރުގެ އަދަބު ދެވޭނެ އެވެ.
އެ އިސްލާހަށް އަމަލު ކުރަން ކަނޑައަޅާފައި ވަނީ ރައީސް ތަސްދީގު ކުރައްވާތާ ތިން މަސް ފަހުންނެވެ. މިއަދަށް އެ މުއްދަތު ހަމަވުމުން އެ ގާނޫނަށް މިހާރު ވަނީ އަމަލުކުރަން ފަށައިފި އެވެ.
މަސްތުވާތަކެތީގެ މައްސަލަތަކުގައި މިހާރު ގާނޫނުގައި ކަނޑައަޅާފައިވާ އެންމެ ބޮޑު އަދަބަކީ އުމުރަށް ޖަލަށް ލުމާއެކު އެއްލައްކަ އާއި 10 މިލިއަން ރުފިޔާއާ ދެމެދުގެ އަދަދަކުން ޖޫރިމަނާ ކުރުމެވެ.