ފުލުހުން މިއަދު ބުނީ އޭނާގެ ބަންދުގެ މުއްދަތު އިތުރުކުރުމަށް މިއަދު ކޯޓަށް ހާޒިރުކުރުމުން، ޝަރުތުތަކާއެކު ދޫކޮށްލާފައިވާ ކަމަށެވެ.
ދެކުނުގެ ރަށެއްގެ ސްކޫލުގެ ދަރިވަރުންތަކެއް ގްރޫމްކޮށްގެން ޖިންސީ ގޯނާކުރި މައްސަލައިގައި ތުހުމަތު ކުރެވޭ ޓީޗަރު ބަންދުން ދޫކޮށްލައިފި އެވެ.
މ،ފ،ދ،ތ އަދި ލ، އަތޮޅުގައި ހިމެނޭ ރަށެއްގައި ސްކޫލުގެ ފިރިހެން ޓީޗަރަކު ދަރިވަރުންގެ އުމުރާ ނުގުޅޭ ވާހަކަ ދައްކައި ގްރޫމްކޮށްފައިވާ މައްސަލަ ފުލުހުންނަށް ރިޕޯޓްކޮށްފައި ވަނީ މިދިޔަ އޮކްޓޯބަރު މަހުގެ 17 ވަނަ ދުވަހު އެވެ.ފުލުހުން އޭރު އިތުރު މައުލޫމާތު ހާމަނުކުރި ނަމަވެސް އެ ކުދިން ގްރޫމް ކުރުމަށްފަހު ޖިންސީ ގޯނާ ކޮށްފައިވާކަމުގެ މައުލޫމާތު "މިރާ" އަށް ވަނީ ލިބިފަ އެވެ. އަދި މިކަން ކޮށްފައިވަނީ ދިވެހި ފިރިހެން ޓީޗަރެކެވެ.މި މައްސަލައިގައި ހައްޔަރު ކުރި އުމުރުން 29 އަހަރުގެ ޓީޗަރުގެ ބަންދު ދެ ފަހަރެއްގެ މަތިން ވަނީ އިތުރުކޮށްފަ އެވެ. އެގޮތުން ފުރަތަމަ ފަހަރު 20 ދުވަހަށް އަދި ދެވަނަ ގަހަރު 30 ދުވަހަށް ބަންދުކުރަން އަމުރުކޮށްފައިވާ ކަމަށެވެ.ފުލުހުން މިއަދު ބުނީ އޭނާގެ ބަންދުގެ މުއްދަތު އިތުރުކުރުމަށް މިއަދު ކޯޓަށް ހާޒިރުކުރުމުން، ޝަރުތުތަކާއެކު ދޫކޮށްލާފައިވާ ކަމަށެވެ.އޭނާގެ މައްޗަށް ދައުވާ ކޮށްދިނުމަށް އެދި މިދިޔަ މަހުގެ 25 ވަނަ ދުވަހު ޕްރޮސެކިއުޓާ ޖެނެރަލްގެ އޮފީހަށް ވަނީ ފޮނުވާފަ އެވެ. ކުޑަކުދިންނާ ގުޅޭ މިފަދަ މައްސަލަތަކަކީ ވަރަށް ސީރިއަސްކޮށް ބަލަމުންދާ މައްސަލަތަކެކެވެ.
މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ