ރާއްޖޭގެ ތާރީޚުގައި މިހާތަނަށް އެންމެ މެމްބަރުން ގިނަ ޕާޓީގެ ފަހުރުވެރި ޝަރަފު ޕީއެންސީ ހޯދައިފިއެވެ. އީސީ އިން މިއަދު އާއްމުކުރި ސިޔާސީ ޕާޓީތަކުގެ ޖުމްލަ މެންބަރުން ދައްކުވައިދޭ ދަފްތަރުގައި އެންމެ މެންބަރުން ގިނަ ޕާޓީއަކަށް ވެރިކަންކުރާ ޕީޕަލްސް ނޭޝަނަލް ކޮންގްރެސް (ޕީއެންސީ) ވެއްޖެ އެވެ.
ޕީއެންސީ އަށް މީހުން ވައްދާފައިވަނީ، ރައީސް މުއިއްޒުގެ އެދުމުގެ މަތިން، ހޯމް މިނިސްޓަރ އިހްސާންގެ ބެލުމުގެ ދަށުން އެތައް ހާސް ބައެއްގެ ސޮއެ އަދި، ފިންގާ ޕްރިންޓް ފޯޖް ކޮށް، މީހުންގެ ޒާތީ މައުލޫމާތާއި ފޮޓޯ ޑީއެންއާރުން ވަގަށް ނަގައި، ސޮފްޓްވެއަރ ބޭނުން ކޮށް ފޮޓޯ ބަދަލުކޮށް، ރާވައިގެން ހިންގާފައިވާ ބޮޑެތި ކުށްތަކެއްގެ ތެރެއިން އެ ފަރާތްތަކަށް އެކަން ނޭނގިއެވެ.
ޕާޓީތަކުގެ މެންބަރުންގެ އަދަދުގެ އެންމެ ފަހުގެ އަދަދުތައް އީސީގެ ވެބްސައިޓުގައި މިއަދު އަޕްޑޭޓްކޮށްފައިވެ އެވެ. އެ ލިސްޓުގައިވާ ގޮތުން 11 ސިޔާސީ ޕާޓީއެއް ރަޖިސްޓްރީކޮށްފައިވާއިރު ހުސްވި ޑިސެމްބަރު 30 ގެ ނިޔަލަށް 68،968 މެންބަރުންނާއެކު އެންމެ މެންބަރުން ގިނައީ ޕީއެންސީގަ އެވެ. މިއީ ރާއްޖޭގެ ތާރީޚުގައި މިހާ ކުޑަ މުއްދަތެއްގައި މިހާ ގިނަ މީހުން އެއް ޕާޓީއަކަށް ވަން ފުރަތަމަ ފަހަރެވެ. މިއީ ރިކޯޑު އަދެދެކެވެ. މިއީ ޕީއެންސީ ފަހުރުވެރި ކަމާއި އެކު ފާހަގަ ކުރަން ޖެހޭ ކަމެކެވެ. މިކަމުން ދައްކައިދެނީ މުއިއްޒަށް އޮތް ތާއީދު ކަމަށް ޕީއެންސީގެ އެކްޓިވިސްޓުންނާއި، އެޕާޓީގެ ވެރިން ބުނާނެ ކަމާއި މެދު ޝައްކެއް ނެތެވެ.
ދެވަނަ އަށް އެންމެ ގިނަ މެންބަރުން ދަފްތަރުކުރެވިފައިވަނީ 43،755 މެންބަރުންނާއެކު އިދިކޮޅު މައި ޕާޓީ، މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) ގަ އެވެ. އެ ޕާޓީގެ މެންބަރުންގެ އަދަދުވީ ދަށެވެ. މިދިޔަ އަހަރުގެ ސެޕްޓެމްބަރުގެ ނިޔަލަށް އެ ޕާޓީގައި 50،851 މެންބަރުން ދަފްތަރުކޮށްފައިވާއިރު، އެ ޕާޓީން 7،096 މެންބަރުން ވަނީ މަދުވެފަ އެވެ.