ވިލިމާލެ ފަޅުތެރެއަށް ފީނަން ގޮސް އުޅުނު 22 އަހަރުގެ ނޭޕާލް ފިރިހެނަކު މިއަދު މަރުވެއްޖެ އެވެ.
ވީ ކިހިނެއް؟ - ފުލުހުން މިއަދު ބުނީ ވިލިމާލެ ފަޅުތެރެއަށް ފީނަން ދިޔަ މީހަކު ގެއްލިގެން އެކަމުގެ ރިޕޯޓު މިއަދު ހެނދުނު 6:30 ހާއިރު ފުލުހުންނަށް ރިޕޯޓުކޮށްފައިވާ ކަމަށެވެ.
ތަފްސީލް - މި ރިޕޯޓާ ގުޅިގެން ވިލިމާލެ ޕޮލިހާއި މެރިން ޕޮލިސް ގުޅިގެން ކުރި މަސައްކަތުން ހެނދުނު 6:55 ހާއިރު މޫދު އަޑީގައި އޮއްވައި އެ މީހާ ފެނިފައިވާ ކަމަށް ފުލުހުން ބުންޏެވެ.
ފުލުހުން ބުނީ އޭނާ މަރުވީ ވިލިމާލެ ހޮސްޕިޓަލަށް ގެންގޮސް ފަރުވާ ދެމުން އަންނަނިކޮށް ކަމަށެވެ.
ފުލުހުން ބުނީ މައްސަލަ އިތުރަށް ތަހުގީގު ކުރަމުން އަންނަ ކަމަށެވެ.