އުރީދޫ މޯލްޑިވްސްގެ މިދިޔަ އަހަރުގެ ހިއްސާގެ ފައިދާގެ ގޮތުގައި، ކޮންމެ ހިއްސާއަކަށް 3.54ރ. ބެހުމަށް އެ ކުންފުނީގެ ހިއްސާދާރުން ފާސްކޮށްފި އެވެ.
ވީ ކިހިނެއް؟ - މިގޮތަށް ފާސްކޮށްފައިވަނީ، މިދިޔަ ބުދަ ދުވަހުގެ ރޭ ބޭއްވި އުރީދޫ މޯލްޑިވްސްގެ އަހަރީ އާންމު ޖަލްސާގަ އެވެ.
މި ޖަލްސާ ކުރިއަށްދިޔައީ ހުޅުމާލޭގައި ހުންނަ އުރީދޫގެ މައި އޮފީހުގައި ހިއްސާދާރުން ބައިވެރިވެގެންނާއި މޯލްޑިވްސް ސެކިއުރިޓީޒް ޑިޕޮސިޓަރީގެ 'ފަހިވޯޓް މެދުވެރިކޮށް އޮންލައިންކޮށެވެ.
މި ޖަލްސާގައި 353 ހިއްސާދާރުން ބައިވެރިވެފައިވެ އެވެ. މީގެ ތެރޭގައި:
ޖަލްސާއަށް ގޮސްގެން ބައިވެރިވި 144 ހިއްސާދާރުން 
209 ހިއްސާދާރުން ތަމްސީލުކުރި 27 ޕްރޮކްސީ ހޯލްޑަރުން 
ޖަލްސާގައި ތަމްސީލުކޮށްފައިވަނީ ކުންފުނީގެ ޖުމްލަ ހިއްސާގެ %98 ނުވަތަ 144,202,029 ހިއްސާ
އަހަރީ އާންމު ޖަލްސާގެ އެޖެންޑާގެ ދަށުން ހިއްސާދާރުން ފާސްކުރީ:
9 މާޗު 2025ގައި ބޭއްވި އަހަރީ އާންމު ޖަލްސާގެ ޔައުމިއްޔާ 
މިދިޔަ އަހަރުގެ އޮޑިޓްކޮށްފައިވާ މާލީ ބަޔާންތައް 
ޑިރެކްޓަރުންގެ ރިޕޯޓް
މި އަހަރުގެ އޮޑިޓަރުންގެ ގޮތުގައި ކޭޕީއެމްޖީ އައްޔަންކުރުމަށާއި އެ ފަރާތަށް ދޭ އުޖޫރަ
މި ޖަލްސާގައި އުރީދޫ މޯލްޑިވްސްގެ ބޯޑަށް ޑިރެކްޓަރުން އައްޔަންކުރުން ވެސް ކުރިއަށްދިޔަ އެވެ. އެގޮތުން:
ކުންފުނީގެ މެޖޯރިޓީ ހިއްސާދާރު، ވަތަނިއްޔާ އިންޓަނޭޝަނަލް ތަމްސީލުކުރުމަށް ފާތިމަތު ސުލްތޯން އަލް-ކުވާރީ އަލުން އައްޔަންކުރި 
އާންމު ހިއްސާދާރުންގެ ފަރާތުން ބޯޑުގައި އިންނަވާނެ ޑިރެކްޓަރަކަށް އަބްދުﷲ އަލީ ވަނީ އިންތިހާބުކޮށްފައި
އޫރީދޫން ވަނީ އާ ބޯޑު މެންބަރުންނަށް މަރުހަބާކިޔައި، މީގެ ކުރިން ބޯޑުގައި ހިދުމަތް ކުރެއްވި މުހައްމަދު ޝާހިދު ކޮށްދެއްވި މަސައްކަތްތަކަށް ޝުކުރު އަދާކޮށްފަ އެވެ.