ގދ.ތިނަދޫ އާއި ގއ.ކޮލަމާފުށީ ގެ އިތުރުން އައްޑޫ ސިޓީ އަދި މާލޭގައި އިދިކޮޅު ފަރާތްތަކުން ބާއްވާ މުޒާހަރާ މިއަދު ހަވީރު ކޮށްފިއެވެ.
މި މުޒާހަރާގެ ކުރިން އިދިކޮޅު ފަރާތްތަކުން ބުނެފައި ވަނީ މިއަދު މުޅި ހުވަދުއަތޮޅު ހަވަރު އެއްވާނެ ކަމަށެވެ. އެގޮތުން ގއ. އާއި ގދ. ގައި ބޮޑެތި މުޒާހަރާތަކެއް ކުރާނެ ކަމަށް އިދިކޮޅު ފަރާތްތަކުން ބުނެފައިވެއެވެ.
މުޒާހަރާގެ ބައިވެރިން ދަނީ ރައީސް އަބްދުﷲ ޔާމީންގެ އިސްތިއުފާއަށް ގޮވާލައި ހައްޔަރުކޮށްފައި ތިބި ސިޔާސީ ބޭފުޅުން ވަގުތުން ދޫކޮށްލުމަށް ގޮވާލާ ޝުއޫރުތަށް ފާޅުކުރަމުންނެވެ.
އަދި މިއަދު އެންމެ ބޮޑެތި މުޒާހަރާތަށް ކުރާނީ ތިނަދޫ އާއި ގދ.ގައްދޫގެ އިތުރުން ވިލިނގިލީގައި ކަމަށާއި އަދި އެ ރަށް ރަށައް އެ އަތޮޅުގެ އެހެން ރަށްތަކުން ވެސް މީހުން ދާނެކަމަށްވެސް އިދިކޮޅު ފަރާތްތަކުން ވަނީ ބުނެފައެވެ.
ނަމަވެސް އެނގިފައިވާ ގޮތުގައި ތިނަދޫގައި ބާއްވާ މުޒާހަރާއަށް އެއްވެސް ރަށަކުން މީހަކު ގޮސްފައެއް ނުވެއެވެ.
ތިނަދޫގެ އިތުރުން 70 މީހުންނާއެކު ގއ.ކޮލަމާފުށީގައި ވެސް ސަރުކާރާ ދެކޮޅަށް މުޒާހަރާއެއް ކުރަމުންދާއިރު އައްޑޫ ސިޓީ އަދި މަލޭގައިވެސް އިދިކޮޅު ފަރާތްތަކުން ދަނީ މުޒާހަރާ ކޮށް ޝުއޫރު ފާޅުކުރަމުންނެވެ.