އުރީދޫ މޯލްޑިވްސްއިން އެ ކުންފުނީގެ ވެރިފައިޑް ވަޓްސްއެޕް ކަސްޓަމަރ ސަޕޯޓް އެކައުންޓް ތައާރަފުކޮށްފިއެވެ.
އުރީދޫ އިން ބުނިގޮތުގައި މިއީ ޑިޖިޓަލް އިނޮވޭޝަން މެދުވެރިކޮށް ކަސްޓަމަރުންގެ ތަޖުރިބާ އިތުރުކުރުމަށް އެ ކުންފުނިން ކުރަމުން އަންނަ މަސައްކަތަށް ލިބުނު އިތުރު ކުރިއެރުމެކެވެ.
ރާއްޖޭގެ އެކި ކަންކޮޅުތަކުގައި ވަޓްސްއެޕް ފުޅާ ދާއިރާއެއްގައި ބޭނުންކުރަމުންދާއިރު، މި ޕްލެޓްފޯމަކީ ކަސްޓަމަރުންނަށް އުރީދޫއާ ގުޅުމަށް ވަރަށް ފަސޭހަ އަދި ހަރުދަނާ މަގެކެވެ.
ވެރިފައިޑް ވަޓްސްއެޕް އެކައުންޓުން ކަސްޓަމަރުންނަށް 24 ގަޑިއިރު ކަސްޓަމަރ ސަޕޯޓް ލިބިގެންދާނެކަމަށާއި މީގެ ސަބަބުން ކޮންމެ ވަގުތެއްގައިވެސް އެހީތެރިކަން ފޯރުކޮށްދެވޭނެ ކަމަށް އުރީދޫން ބުނެއެވެ.
އަދި ވެރިފައިޑް އެކައުންޓުން ކަސްޓަމަރުންނާއި ކުރާ މުޢާމަލާތްތަކަކީ ސައްހަ އަދި ރައްކާތެރި މުއާމަލާތެއްކަން އުރީދޫއިން ޔަގީންކޮށްދެއެވެ.
އުރީދޫ އިން ގޮތުގައި ވަޓްސްއެޕާއެކު މި އިންޓަގްރޭޝަންގެ ސަބަބުން އުރީދޫއަށް އިނޮވޭޓިވް ކަސްޓަމަރ އެންގޭޖްމަންޓް ސޮލިއުޝަންތަކަށް ވަޓްސްއެޕްގެ ބޭނުން ހިފުމުގެ ފުރުސަތު ލިބިގެންދެއެވެ.
އުރީދޫ މޯލްޑިވްސްއިން އުރީދޫ ހަޗިސަންއާ ގުޅިގެން މި ސޮލިއުޝަން ރާއްޖެއަށް ގެނެސްދީ، ކަސްޓަމަރުންގެ ޑިޖިޓަލް ބޭނުންތަކާ އެއްހަމައަކަށް ޚިދުމަތް ފުޅާކޮށްދިނުމަކީ އުރީދޫ މޯލްޑިވްސްއިން ފަޚުރުވެރިވާ ކަމެއް ކަމުގައި އުރީދޫއިން ބުނެފައިވެއެވެ.
ކަސްޓަމަރުންނަށް އުރީދޫގެ ވެރިފައިޑް ވަޓްސްއެޕް ނަމްބަރު (+960 9611929) އަށް މެސެޖުކޮށްގެން މިއަދުން ފެށިގެން ކަސްޓަމްރ ސަޕޯޓް ލިބިގެންދާނެކަމަށާއި، މި ޗެނަލުން ޕްރޮޑަކްޓްތަކާއި، ހިދުމަތްތަކާއި، ބިލިންއާއި، ޓްރަބްލްޝޫޓިން އާއި އެހެނިހެން އެހީތެރިކަން ބޭނުންވާ ކަންކަމާ ބެހޭ އެހީތެރިކަން ފޯރުކޮށްދޭނެ ކަމަށް އުރީދޫއިން ބުނެއެވެ.