ކޮލަމްބޯ (ޖުލައި 23) - ޖުލައި މަހު 25 އާއި 31 އާ ދެމެދު ލަންކާގެ ވެރިރަށް ކޮލަމްބޯގެ ބޮޑު ސަރަހައްދަކުން ކަރަންޓް ކެނޑޭނެކަން ޕަވަ އެންޑް ރިނުއެބްލް އެނާޖީ މިނިސްޓްރީން އިއުލާންކޮށްފި އެވެ.
ކަރަންޓް ކަނޑަން ހަމަޖައްސާފައި ވަނީ ކޮލަމްބޯ 3، 4، 5، 7 އަދި 8 ހިމެނޭ އޭރިއާ އިންނެވެ. އެ ސަރަހައްދުތަކުން ހުކުރު ދުވަހު ހެނދުނު 9 އިން 3 އަށް ކަރަންޓް ކެނޑޭނެކަން ވަނީ އަންގައިފަ އެވެ. މިނިސްޓްރީން ބުނީ ޖުލައި 25-31 އާ ދެމެދު ކޮންމެ ދުވަހަކު ވެސް އެ ސަރަހައްދުތަކުން އެކި ވަގުތުތަކުގައި ކަރަންޓް ކަނޑަމުންދާނެ ކަމަށެވެ. ޕަވަ މިނިސްޓްރީން ބުނީ ކަރަންޓް ކަނޑަނީ 132 ކޭޑަބްލިއު ސިސްޓަމުގެ މަރާމާތެއް ކުރަން ކަމަށެވެ.
ލަންކާ އަށް 2016 ވަނަ އަހަރު ވަނީ ކަރަންޓުގެ ބޮޑު މައްސަލައެއް ދިމާވެ މުޅި ގައުމު ހުއްޓުމަކަށް އައިސްފަ އެވެ.