ކައުންސިލުން ބަލަހައްޓާ ރަސްމީ މައުލޫމާތުން، އެ މީހަކީ މާލޭގައި ދިރިއުޅުނު މީހެއްކަން ސާބިތުނުވާނަމަ އެ ފަދަ ލިޔުން ކައުންސިލްތަކުން ދޫނުކުރަން، ކައުންސިލްތަކުގެ ބެލެނިވެރި ފަރާތް، ލޯކަލް ގަވަމަންޓް އޮތޯރިޓީ (އެލްޖީއޭ)އިން އަންގައިފިއެވެ. މީގެ ހަތަރު ދުވަސް ކުރިން އެލްޖީއޭއިން ފޮނުވި ސިޓީގައިވަނީ ސަރުކާރުގެ ބޯހިޔާވަހިކަމުގެ ސިޔާސަތުގެ ދަށުން ދޫކުރާ ބިން ނުވަތަ ފުލެޓަށް ކުރިމަތިލުމަށް ޓަކައި އެ ފަރާތަކީ މާލޭގައި، ދިރިއުޅޭ ފަރާތެއްކަން، އަންގައިދޭ ލިޔުން ހޯދުމަށް އެކި، ފަރާތްތަކުން ކައުންސިލްތަކަށް ހުށަހަޅަމުން ގެންދާތީ އެފަދަ ލިޔުމެއް ކައުންސިލުން ދޫކުރުމާމެދު "ލަފައަކަށް އެދި ގިނަ ކައުންސިލްތަކަކުން އެ އޮތޯރިޓީގައި އެދުމުން އަންނަ ކަމަށެވެ. އެއާއެކު އެލްޖީއޭއިން ބުނީ، ބިމާއި ފުލެޓަށް އެދި، ހުށަހަޅާ ފަރާތްތަކުން މާލޭގައި، ދިރިއުޅުނު މުއްދަތު ސާބުތިކޮށްދިނުމަށް ހުށަހެޅިދާނެ، ލިއެކުންތަކުގެ ތެރޭގައި، ދައުލަތުގެ އިދާރާއަކުން، ރަސްމީކޮށް ބަލަހައްޓާ ލިޔެކިއުންތަކާއި، މަޢުލޫމާތުތަކުން މާލޭގައި. ދިރިއުޅުނުކަން ސާބިތުވާނަމަ، އެ އިދާރާއަކުން ދީފައިވާ ލިޔުން ހުށަހެޅިދާނެކަމަށެވެ. ނަމަވެސް އިދާރާއަކުން ދޫކުރާ ލިޔުން، ބަލައިގަނެވޭނީ އެ އިދާރާއަކުން ރަސްމީކޮށް ބަލަހައްޓާ މަޢުލޫމާތުން، މާލޭގައި، އުޅެފައިވާ މުއްދަތު ސާބިތުވާނަމަކަމަށެވެ. އަދި، ރަށު ކައުންސިލަކުން ނުވަތަ ސިޓީ ކައުންސިލަކުން، މާލޭގައި، ދިރިއުޅެފައިވާ މުއްދަތު ބަޔާންކޮށް ދޫކުރާ ލިޔުމަކީ އެ ކައުންސިލެއްގައި، ބަލަހައްޓާ މަޢުލޫމާތުގެ މައްޗަށް ބިނާކޮށް ސާބިތުކޮށް ނުދެވޭ ލިއުމަކަށްވާނަމަ، އެ ލިއުމަކީ ބަލައިގަނެވޭނެ ލިޔުމެއް ނޫންކަމަށެވެ. އެހެންކަމުން ކައުންސިލެއްގައި، ބަލަހައްޓާ ރަސްމީ މަޢުލޫމާތުގެ މައްޗަށް ބިނާކޮށް އެ ފަރާތުން މާލޭގައި، ދިރިއުޅުނު މުއްދަތު ސާބިތުކޮށް ނުދެވޭނަމަ ކައުންސިލަކުން އެ ފަދަ ލިޔުމެއް އެއްވެސް ފަރާތަކަށް ދޫނުކުރުމަށް، އެލްޖީއޭއިން ވަނީ އެދިފައެވެ. https://sun.mv/217052 އެލްޖީއޭއިން ބުނީ، މީގެ ކުރިން ބައެއް ކައުންސިލްތަކުން، ސާބިތުނުކުރެވޭ ގޮތަށް ނުވަތަ ދޮގު މަޢުލޫމާތު ހިމަނައިގެން އެ ފަދަ ލިޔުން ދޫކޮށްފައިވާތީ، އެ ލިޔުން، ދޫކުރުމުގައި، ޒިންމާވާ ފަރާތްތަކުގެ މައްސަލަ ބަލައި ފިޔަވަޅު އެޅުމުގެ މަސައްކަތް ކަމާ ގުޅުންހުރި އިދާރާތަކުން ކޮށްފައިވާ ކަމަށެވެ. އެލްޖީއޭއިން މިހެން އެންގިއިރު، އެ ކައުންސިލުން މީގެ ކުރިން ބެލެހެއްޓި މައުލޫމާތުތަކަކަށް ނުވާތީ، މި ސަރުކާރުގެ ފްލެޓާއި، ގޯތީގެ ސްކީމަށް ކުރިމަތިލާ ގދ. މަޑަވެލީ ރައްޔިތުންނަށް އެ މީހަކީ މާލޭގައި ދިރިއުޅެމުން އައި މީހެއްކަން އެނގޭފަދަ ލިޔުމެއް ދެވެން ނެތްކަމަށް އެ ރަށު ކައުންސިލުން ބުނެފައެވެ.