ބާސެލޯ ނަސަންދުރާގައި ދެދުވަހުގެ މުއްދަތައް ކުރިއަށް ގެންދިޔަ ދިވެހިރާއްޖޭ ޑިޖިޓަލް ޓްރާންސްފޮމޭޝަނާއި ގުޅޭގޮތުން މަޝްވަރާކުރުމަށް ބޭއްވި ޚާއްސަ ސަމިޓު، މޯލްޑިވްސް ޑިޖިޓަލް ސަމިޓު ނިންމާލައިފިއެވެ.
މި ސަމިޓުގައި ބައިވެރިވި ފަރާތްތަކުން ޑިޖިޓަލް ޕަބްލިކް އިންފްރާސްޓްރަކްޗަރ އާއި، ޑިޖިޓަލް ދައުލަތެއް ބިނާކުރުމާއި ގުޅޭގޮތުން މުހިންމު މަޝްވަރާތަކެއްކޮށް، ދުނިޔޭގެ އެންމެ ރަނގަޅު ގޮތްތަކާއި، ތަޖުރިބާތައް ސަމިޓުގެ ތެރެއިން ހިއްސާކޮށްފައިވާ ކަމަށް ހޯމްލޭންޑް މިނިސްޓްރީއިން ބުނެއެވެ.