މޯލްޑިވްސް އެކުއަޓިކްސްގެ ހިންގާ ކޮމިޓީއަށް، އެތުލީޓުންނާއި ކުލަބުތައް ތަމްސީލުކުރާނެ އާ މެމްބަރުން އާދިއްތަ ދުވަހުގެރޭ ބޭއްވި އަހަރީ އާންމު ޖަލްސާގައި ކާމިޔާބީއާއެކު އިންތިޚާބުކޮށްފިއެވެ. މިފަހަރުގެ އިންތިޚާބުގައި އެންމެ ފާހަގަކޮށްލެވެނީ އެތުލީޓުން ތަމްސީލުކުރުމަށް ދެ އޮލިމްޕިއަނުން ކަމަށްވާ އައިޝަތު ސާޖިނާ އާއި ނިޝްވާން އިބްރާހިމް ހޮވިފައިވުމެވެ. ސާޖިނާ އަންހެން އެތުލީޓުންގެ މަގާމަށް އަށް ވޯޓާއެކު ހޮވުނުއިރު، ފިރިހެން އެތުލީޓުންގެ މެމްބަރަކަށް ނިޝްވާން ހޮވުނީ ނުވަ ވޯޓުގެ ބޮޑު ތާއީދަކާއެކުގައެވެ. މީގެއިތުރުން، ކުލަބުތައް ތަމްސީލުކުރާ އަންހެން މެމްބަރަކަށް ނިއު ލެގޫންސް ސްވިމިން ކްލަބްގެ ޝާދިޔާ އިންތިޚާބުވީ ވޯޓުލީ ހުރިހާ ކުލަބުތަކެއްގެ ފުރިހަމަ އިތުބާރާއެކުގައެވެ. މޯލްޑިވްސް އެކުއަޓިކްސްގެ ހިންގުން މިހާރު ތަރުތީބުވެފައިވަނީ ތަޖުރިބާކާރު އަދި އާ ހަކަތަ އެކުލެވޭ ޓީމަކާއެކުގައެވެ.