ޢާންމުކޮށް އެންމެގެވެސް ނިދީގައި ހަށިގަނޑުގައި ހުންނަ ހަކުރުގެ ލެވެލް މަތިވެގެންދާނެއެވެ. އެކަން މައްސަލައަކަށް މިވަނީ ހަކުރުބަލިޖެހި ބޭސްކުރަންޖެހޭ ޙާލަތަށް ކަންކަން ދިއުމުންނެވެ. އެންމެ ރަނގަޅު ގޮތަކީ ބޯޑަރލައިނަށް އެރުމުން ކަމަށް ބުނުމެވެ. ސަބަބަކީ ބޯޑަރލައިނަށް އެރުމުން ސަމާލުކަން ނުދީފިނަމަ ބޯޑަރލައިން ހުރަސްކޮށް މައްޗަށްދާނެތީއެވެ. 
ފުރަތަމަ ބަލައިލަންވީ ކަސްރަތަށެވެ. ކަސްރަތުކުރުމުން އެކަމުގެ އަސަރު ހުންނަނީ 6 ގަޑިއިރުއެވެ. ވީމާ ހެނދުނުކުރާ ކަސްރަތުން ރޭގަނޑު ފައިދާކުރާނެ ކަމަށް ބެލެވޭކަށް ނެތެވެ. ވީމާ ހަވީރުގެ ވަޤުތުގައި ކަސްރަތުކުރަން އެބަޖެހެއެވެ. ރޭގަނޑު ކައިގެން މަދުވެގެން 15، 20 ވަރަކަށް މިނިޓް ހިނގާލަން ނުވަތަ ކޮންމެވެސް ކަސްރަތެއްކުރަން ބުނަންޖެހެނީ އެހެންވެގެންނެވެ. 
ދެން އޮތީ ފިކުރުބޮޑުވެގެން އޮވެ ނިދުމެވެ. އެއީވެސް ސަމާލުކަންދޭންޖެހޭ ކަމެކެވެ. 
އެކަށީގެންވާ ފެން ބޮންތަ؟ އެކަމަށް ސަމާލުކަން ނުދޭނަމަ ހައިޑްރޭޝަންގެ ސަބަބުން ލޭގެ ހަކުރަށް އަސަރު ކޮށްފާނެ އެވެ. 
އެކަށީގެންވާ ވަރަށް ފެން ނުބޮއިފިނަމަ ހަށިގަނޑުން ގްލޫކޯޒް ސްޕައިކިންގ ސްޓްރެސް ހޯރމޯންތައް ދޫކޮށްލާއިރު ގްލޫކޯޒް ޓޮލަރެންސް ދަށްވެއެވެ. މި މައްސަލަ އިތުރަށް ބޮޑުވަނީ ބައްޔެއްގެ ސަބަބުން ހޮޑުލެވުން، ބޭރަށްހިންގުން، ނުވަތަ ކާހިތްވުން ކުޑަވެ، މި ހުރިހާ ކަމެއްގެ ސަބަބުން ޑީހައިޑްރޭޝަން އަވަސްވެ، ސީރިއަސް ހައިޕަރގްލައިސެމިއާގެ ނުރައްކާ ބޮޑުވުމުގެ ފުރުޞަތު އޮންނަތީއެވެ. 
ކޮންމެ ދުވަހަކު އެކަށީގެންވާ ފެން ބުއިމަކީ ހަކުރުބަލި ހުންނަ ކޮންމެ މީހަކަށްވެސް ކޮންމެހެން ކުރަންޖެހޭ ކަމެކެވެ. ކޮންމެ ދުވަހަކު ބޯން ޖެހޭނީ ކިހާވަރަކަށް ކަމެއް ޔަގީން ނުވާނަމަ ޑޮކްޓަރުންގެ ލަފާ ހޯދާށެވެ. 
ޚުލާސާ: 
ރޭގަނޑުގެ ނިދީގައި ލޭގެ ހަކުރު މަތިވާނަމަ އެއީ ބޭސް ދިނުމުގެ އުސޫލު އެޖެސްޓް ކުރަން ނުވަތަ ކެއުމާއި ކަސްރަތު ކުރުމުގެ އާދަ ބަދަލު ކުރަން ޖެހިދާނެ ކަމުގެ އިޝާރާތެކެވެ. 
ދުޅަހެޔޮ ކާނާ އާއި ކަސްރަތު ހިމެނޭ ގޮތަށް އެއްއުޞޫލަކުން ދުޅަހެޔޮ އާދަތައް (ރޭގަނޑު) ކަނޑައެޅުމަކީ ނިދުމަށް ފަހު ލޭގައި ހަކުރު އިތުރުވުން ހުއްޓުވުމަށް ވަރަށް ބޮޑު ކުރިއެރުމެކެވެ. 
ލޭގައި ހަކުރު ހުންނަ މިންވަރަށް ވަރަށް ބޮޑަށް ސަމާލުކަން ދޭއިރު، އެންމެ ރަނގަޅީ އަބަދުވެސް ގްލޫކޯޒް މޮނިޓަރ (ސީޖީއެމް) އެއް ބޭނުންކޮށްގެން ބަލައި ނޯޓްކުރުމެވެ. އަދި ކުރާ ނޯޓްތައް ސިއްހީ ހިދުމަތްދޭ ފަރާތާ ހިއްސާކުރާނަމަ ފަރުވާދޭ ފަރާތްތަކަށް ފަސޭހައަކަށްވާނެއެވެ.