ޤިޔާމަތްވުމުގެ ކުރިން ފައުލުކުރައްވަވާނެ ޢަލާމާތްތައް ޙަދީޘްފުޅުތަކުން އެނގެން އެބަ އޮތެވެ. ނަމަވެސް އެއިގެ މާނައަކީ އެކަންކަން މުދުވެރިކުރައްވަވާނީ ކޮން ވަޤުތަކުކަން އެނގުމެއް ނޫނެވެ.  
ނިކަން ވިސްނައިލަބަލާށެވެ! ޤިޔާމަތްވުމުގެ ވަޤުތުޖެހުމުން ތާޅަފިލި ފުމެލައްވަވާނީ އިސްރާފީލްގެފާނުކަމާއި އިސްރާފީލްގެފާނު މިހާރުވެސް ހުންނެވީ ތުންފަތްޕުޅުގައި ތާޅަފިލި ޖައްސަވައިގެން ކަމާއި އިންތިޒާރުކުރައްވަވަމުން ގެންދަވަނީ ތާޅަފިލި ފުމެލައްވަވަން ﷲ ތަޢާލާ އަމުރުފުޅު ކުރައްވަވާނެ ވަޤުތަށްކަން ޙަދީޘްފުޅުން އެނގެން އެބައޮތެވެ.  
މިމޭރުމުން ޙަދީޘްފުޅުކުރެއްވެވުން ޞަޙާބީން އިންތިހާއަށް ކަންބޮޑުވެ ވަޑައިގެންނެވިއެވެ. ބިރުފުޅުން އަވަދިވާވަރު ވިއެވެ. އަދި އެބާކަލުން ކުރައްވަން އޮތް ޢަމަލުފުޅަކާއިބެހޭ ގޮތުންވެސް ސުވާލު ދެންނެވިއެވެ. ނަމަވެސް އަހުރެން ތިއަބައިމީހުންނަށް މިވާހަކަ ކިޔައިދިނުމުން ހިތަށް އެފަދަ ބގިރުވެރިކަމެއް ވަންހެއްޔެވެ؟ އަހުރެމެންވެސް މިތިބީ ހަމަ ޤިޔާމަތް ދުވަހަށް ބިރުވެތިވެގެން ނޫން ހެއްޔެވެ؟  
މީސްތަކުންނޭވެ! ޢަމަލުތައް އިޞްލާޙްކުރާށެވެ! ތައުބާވުން ގިނަކުރާށެވެ! ހެޔޮ ގޮތުގައި ދުނިޔޭގައި އުޅެމުން ﷲ ތަޢާލާއަށް ވަކީލްކުރުން ގިނަކުރާށެވެ! ﷲ ތަޢާލާގެ ރުހިވޮޑިގަތުން ލިބިގެންވާ އަޅެއްގެ ގޮތުގައި ދުނިޔެ ދޫކުރެވޭނެ މީހަކަށްވުމަށް ގަދައަޅައި މަސައްކަތްކުރާށެވެ! ބިރުވެރިކަމުން ފުރިގެންވާ އެދުވަހު ކިރިޔާވެސް ސަލާމަތްކަމެއް ލިބެން އޮތީ އެއިރުންނެވެ! 
- ޝައިޚް މާޖިދް މަހްމޫދުގެ ދަރުސަކުން