ދިރިއުޅުމުގެ ޒަރޫރީ ބޭނުންތަކުގެ ޚަރަދުތައް ދުވަހެއް ދުވަހަކަށް މައްޗަށް ދަމުންދާއިރު، ޚަރަދު ކުޑަކުރުމަށް ގިނަ ބަޔަކު އަބަދުވެސް މަސައްކަތް ކުރެއެވެ. އެގޮތުން ކާބޯތަކެއްޗާއި ކުއްޔާއި، ފެނާއި ކަރަންޓު ފަދަ ކޮންމެހެން މުހިންމު އެތަކެއް އެއްޗެއްގެ އަގު އުފުލެމުންދެއެވެ.
އެގޮތުން ދިރިއުޅުމުގެ ޚަރަދުތައް ކުޑަކުރުމަށް ކުޑަ އާމްދަނީއެއް ލިބޭ އޮސްޓްރޭލިއާގެ ނިއު ސައުތު ވޭލްސްގެ ބެޓްމަންސް ބޭގައި ކުއްޔަށް ދިރިއުޅެމުންދާ މާޓިން ބޮންގިއޯނޯ އަކީ އޭނާ މަސައްކަތުގެ މާހައުލުގައި ދިމާވި ހާދިސާއެއްގެ ސަބަބުން މާލީ ހާލަތު ވަރަށް ބޮޑަށް ދަށަށް ގޮސްފައިވާ މީހެކެވެ.
އެހާދިސާގެ ސަބަބުން އޭނާއަށް ވަޒީފާ އަދާކުރި ތަނުން ބަދަލުގެ ގޮތުގައި ދައްކަން ޖެހޭ ފައިސާއަށް ބަރޯސާން ޖެހުނެވެ. އަދި އޭނާގެ މާލީ ހާލަތު ހުރި ގޮތުން ކަރަންޓު ބިލަށް ދިގު މުއްދަތަކަށް ނުދައްކާ ހުރި ފައިސާ ދައްކާނެ ގޮތެއް ވެސް ނެތެވެ.
އެހެން ކަމުން ކަރަންޓު އިގްތިސާދު ކުރުމުގެ ގޮތުން މާޓީން ވަނީ ފިޔަވަޅުތަކެއް އަޅަން ފަށާފައެވެ. ބޭރުގެ މީޑިއާއަކަށް އޭނާގެ ވާހަކަ ހިއްސާ ކުރަމުން މާޓިން ބުނި ގޮތުގައި، މުޅި ގޭގައި ދިއްލުމަށް އޭނާ ގެންގުޅެނީ އެންމެ ބޮތްކެކެވެ. އަދި ހުރިހާ ކޮޓަރިއެއްގައިވެސް އޭނާ ބޭނުންކުރަނީ އެ ބޮކި ކަމަށެވެ.
އޭނާގެ ދިރިއުޅުމުގެ ޚަރަދުތައް ކުޑަކުރުމަށް ކުރަނީ މިކަން އެކަންޏެއް ނޫނެވެ. އެގޮތުން ކެއުމަށް ކައްކަން ޖެހޭ އެއްޗެހި އޭނާ ބޭނުން ނުކުރެއެވެ. އަދި ހޫނު ފެނުން ފެން ނުވަރައެވެ.
އޭނާ ބުނި ގޮތުގައި، މިފަދަ ކަންތައްތަކުގެ ސަބަބުން އޭނާއަށް ބޮޑު ޚަރަދެއް ސަލާމަތްވާ ކަމަށެވެ. އަދި އެކަމަކީ އޭހާ އުނދަގޫ ކަމެއް ނޫން ކަމަށާއި އެކަމަކީ ކޮންމެ މީހަކަށްވެސް ކުރެވިދާނެ ކަމެއް ކަމަށް ގަބޫލުކުރާ ކަމަށެވެ.
Your email address will not be published. Required fields are marked *
Comment *
Name
Email
Website
© 2022 Gaafu.mv. All rights reserved.