ވަންޕްލަސްގެ އެންމެ ފަހުގެ އުފެއްދުން "ވަންޕްލަސް 15ޓީ" ލޫމޯ ޕެރިސްކޯޕް ލެންސަކާއި ތުނި ބޭޒަލްތަކަކާއެކު ނެރެން ތައްޔާރުވަމުންދާކަމަށް އެކުންފުނިން ހާމަކޮށްފިއެވެ. މިދިޔަ އަހަރު ނެރުނު ވަންޕްލަސް 13ޓީގެ ފަހުގެ މޮޑެލްގެ ގޮތުގައި ނެރޭ މި ފޯނުގައި ކެމެރާއާއި ޑިޒައިނަށް ބޮޑެތި ބަދަލުތަކެއް ގެނެސްފައިވާނެ ކަމަށް އެ ކުންފުނިން ބުންޏެވެ. ވަންޕްލަސް ޗައިނާގެ ރައީސް ލީ ޖީ ލޫއީ ސޯޝަލް މީޑިއާގައި ހާމަކުރެއްވި ގޮތުގައި، ވަންޕްލަސް 15ޓީގައި މުޅިން އާ "ލޫމޯ" ޕެރިސްކޯޕް ޓެލެފޯޓޯ ލެންސެއް ހިމެނޭނެއެވެ. މީގެ ސަބަބުން ދުރުގައި ހުންނަ އެއްޗެހީގެ ފޮޓޯއާއި ޕޯޓްރެއިޓް ފޮޓޯތަކުގެ ފެންވަރު ވަރަށް ބޮޑަށް ރަނގަޅުވެގެންދާނެއެވެ. މީގެ އިތުރުން މި ފޯނަކީ މިހާތަނަށް ކުޑަ ސްކްރީނެއް ހިމެނޭ ފޯނެއްގައި ހިމެނޭ އެންމެ ތުނި ބޭޒަލް (ސްކްރީންގެ އަރިމަތީ ފްރޭމް) ހިމެނޭ ފޯނަށް ވާނެ ކަމަށް ވެސް އޭނާ ވިދާޅުވިއެވެ. މި ފޯނު ކަޅު، އަޅި އަދި ފިޔާތޮށި ކުލައިން ލިބެން ހުންނާނެ ---- މި ފޯނުގެ ފާހަގަކޮށްލެވޭ އެހެން ސިފަތަކަށް ބަލާއިރު، މީގައި ހިމެނެނީ 6.32 އިންޗީގެ 1.5ކޭ ރިޒޮލިއުޝަންގެ އޯލެޑް ޑިސްޕްލޭއެކެވެ. ފޯނުގެ ހަލުވިމިން އިތުރުކުރުމަށްޓަކައި ސްނެޕްޑްރަގަން 8 އެލީޓް ޖެން 5 ޗިޕްސެޓް ބޭނުންކޮށްފައިވާއިރު، މިއީ 16ޖީބީ އާ ހަމައަށް ރޭމް އަދި 1ޓީބީ އާ ހަމައަށް ސްޓޯރޭޖް ހިމެނޭ ފޯނެކެވެ. ބެޓެރީގެ ގޮތުން ބަލާއިރު، މި ފޯނުގައި 7,500 މިލީ އެމްޕަޔާގެ ބޮޑު ބެޓެރީއެއް ހިމެނޭނެ ކަމަށް ބެލެވެއެވެ. މިއީ މިހާރު މާކެޓުގައި ހުރި އެހެން ކުދި ފޯނުތަކާ އަޅާބަލާއިރު މާ ގިނަ ވަގުތު ހިފަހައްޓާނެ ބެޓެރީއެއް ކަމަށް ވަންޕްލަސްއިން ބުނެއެވެ. އަދި މި ބެޓެރީ 100ވޮޓް ގެ ބާރުމިނުގައި ވަޔާޑްކޮށް ޗާޖުކުރެވޭއިރު، ވަޔަލެސްކޮށް ޗާޖުކުރުމުގެ ފުރުސަތު ވެސް އޮންނާނެއެވެ. ކެމެރާ ސެޓަޕްގައި ހިމެނެނީ 50 މެގަޕިކްސެލްގެ ސޮނީ ސެންސަރަކާއި 50 މެގަޕިކްސެލްގެ ސެމްސަންގް ސެންސަރެކެވެ. މި ފޯނު ކަޅު، އަޅި އަދި ފިޔާތޮށި ކުލައިން ލިބެން ހުންނާނެއެވެ. ވަންޕްލަސް 15ޓީ މި މަހުގެ ފަހުކޮޅު ޗައިނާގައި ނެރޭނެ ކަމަށް ބެލެވޭއިރު، މީގެ އަގު ކުރީގެ މޮޑެލްއަށްވުރެ ބޮޑުވާނެ ކަމަށް ރިޕޯޓްތައް ބުނެއެވެ.