ބޭންކް އޮފް މޯލްޑިވްސް (ބީއެމްއެލް) ގެ ކްރެޑިޓް ކާޑުތަކުން ރާއްޖޭން ބޭރުގައި މުއާމަލާތް ކުރެވޭ ޑޮލަރު ލިމިޓް އަންނަ ފެބްރުއަރީ މަހުން ފެށިގެން ބޮޑުކުރަން ނިންމައިފިއެވެ. މިއީ ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވައުދުވެވަޑައިގެންނެވި ގޮތަށް ގެނައި ބަދަލެކެވެ.
ބީއެމްއެލްއިން މިއަދު އާންމުކުރި ތަފްސީލުތަކަށް ބަލާއިރު، ކާޑުތަކުގެ ލިމިޓަށް ގެންނަ ބަދަލުތަކަކީ:
ބޭންކުން ފާހަގަކުރި ގޮތުގައި މިއީ ކޮންމެ ކަސްޓަމަރަކަށް ޑެބިޓް ކާޑުން ބޭނުންކުރެވޭ ގޮތަށް ހަމަޖައްސާފައިވާ ލިމިޓުގެ އިތުރުން، އެ ކަސްޓަމަރެއްގެ ކްރެޑިޓް ކާޑަށް ވަކިން ހަމަޖެހިފައިވާ ލިމިޓެކެވެ. މީގެ ކުރިން މިދިޔަ ނޮވެމްބަރު މަހު ބީއެމްއެލްއިން ވަނީ ޑެބިޓް ކާޑުން ރާއްޖޭން ބޭރުގައި ބޭނުންކުރެވޭ ލިމިޓް ވެސް 1،000 ޑޮލަރަށް ބޮޑުކޮށްފައެވެ.
މީގެ އިތުރުން، އެއާލައިން ޓިކެޓް ނެގުމަށާއި ރާއްޖޭން ބޭރުގެ ހޮޓާތަކަށް ފައިސާ ދެއްކުމަށް ޑެބިޓް ކާޑުން 3،000 ޑޮލަރާ ހަމައަށް މިހާރު ވެސް މުއާމަލާތް ކުރެވޭނެއެވެ. އަދި ބޭސްފަރުވާއަށް ހޮސްޕިޓަލަށް ދައްކަންޖެހޭ ފައިސާ، ބޭންކުގައި އެދުމުން ޑެބިޓް ކާޑު މެދުވެރިކޮށް ދެއްކޭނެ އިންތިޒާމު ވެސް ވަނީ ހަމަޖައްސާފައެވެ.