ެއިނގިރޭސި ސަރުކާރުން ސްރީލަންކާއަށާއި ރާއްޖެއަށް ކަނޑައަޅުއްވާފައި ހުންނަވާ ސަފީރު ޖޭމްސް ޑޯރިސް ޖުމްހޫރީ ޕާޓީގެ ލީޑަރު ގާސިމް އިބްރާހިމްއާ ބައްދަލު ކުރައްވައިފި އެވެ.
ޖުމްހޫރީ ޕާޓީ އޮފީސް، މ. ކުނޫޒުގައި މިއަދު އޮތް ބައްދަލުވުމުގައި މައިގަނޑު ގޮތެއްގައި މަޝްވަރާ ކުރައްވާފައިވަނީ ރާއްޖޭގެ ސިޔާސީ މަސްރަހާ ގުޅޭގޮތުންނެވެ. އެގޮތުން ރާއްޖޭގެ ސިޔާސީ މަޝްރަހުގައި ހިނގަމުންދާ ކަންކަމާއި ގާސިމް އިބްރާހިމްގެ ސިޔާސީ މަސައްކަތްޕުޅާއި ގުޅޭގޮތުން މަޝްވަރާކުރެވުނު ކަމުގައި ޖުމްހޫރީ ޕާޓީން ބުނެ އެވެ.
މިބައްދަލުވުމުގައި ޖޭޕީގެ ލީޑަރު ގާސިމްގެ އިތުރުން ޖުމްހޫރީ ޕާޓީ ރައްޔިތުންގެ މަޖިލީހުގެ މަތިވެރި ދާއިރާގެ މެމްބަރު ހުސައިން މުހައްމަދާއި، އެ ޕާޓީގެ ސެކްރެޓަރީ ޖެނެރަލް އަހްމަދު ސަމީރު ވެސް ބައިވެރިވެވަޑައިގެންނެވި އެވެ.