މާލެއިން ފެނާއި ކަރަންޓު ކެނޑިއްޖެއެވެ.
ވެރިރަށް މާލެއިން ކަރަންޓު ކަނޑައިގެން ދިޔައީ މިއަދު މެންދުރު 1:00 ޖަހާ އެހާކަންހާއިރު އެވެ.
ކަރަންޓު ކެނޑުމުގެ ސަބަބުން ބައެއް ފަރާތްތަކަށް ފެން ލިބުމުގައި ވެސް ވަނީ ދަތިތަކާ ކުރިމަތިވެފައެވެ.
ކަރަންޓު ކެނޑުމުގެ ކުރިން އެމްޑަބްލިއުއެސްސީގައި "ބޮޑު އަޑެއް" ގޮވި ކަމަށް އެ ސަރަހައްދުގައި ތިބި ބައެއް މީހުން ބުންޏެވެ.
މުޅި މާލެއިން ކަރަންޓު ކެނޑިފައިވުމުން، ދައުލަތުގެ މުއައްސަސާތަކުގެ ހިދުމަތް ވަނީ ހުއްޓިފަ އެވެ.
ކަރަންޓް ކެނޑި ހިދުމަތްތަކަށް ބުރޫ އަރާފައިވާއިރު ކަރަންޓު ކެނޑުމަށް ފަހު ފޯނު ކުރުމާއި އިންޓަނެޓްގެ ހިދުމަތް ހޯދުމުގައި ވެސް ވަނީ ދައްޗާ ކުރިމަތިވެފަ އެވެ.
ސަރުކާރުގެ ކަރަންޓް ކުންފުނި، ސްޓެލްކޯއިން ބުނީ ކަރަންޓް ކަނޑައިގެން ދިޔައީ ކޮން ސަބަބެއް ދިމާވެގެންކަން އަދި ސާފު ނުވާ ކަމަށާއި ނަމަވެސް މާލެ އަށް ކަރަންޓް ދީ އަލުން އާންމު ހާލަތަށް ގެނައުމަށް ކުރަން ޖެހޭ ކަންކަން ސްޓެލްކޯގެ އިންޖިިނިއަރުން ކުރަމުން އަންނަ ކަމަށެވެ.
ތަފްސީލް އަންނަނީ...