ފުލުހުން ހިންގި ހާއްސަ އޮަޕަރޭޝަނެއްގައި 132 ބަނގުރާފުޅިއާއެކު މީހަކު ހައްޔަރުކޮށްފިއެވެ.
ފުލުހުން ވިދާޅުވީ، މި މައްސަލައާ ގުޅިގެން ހައްޔަރުކޮށްފައި ވަނީ 33 އަހަރުގެ ފިރިހެނެއް ކަމަށެވެ.
ފުލުހުން ވިދާޅުވިގޮތުގައި، އޭނާ ހައްޔަރުކޮށްފައި ވަނީ، 8 ނަންބަރު ޖެޓީ ސަރަޙައްދުން ފޮށިގަނޑުތަކެއް ޕިކަޕަކަށް އަރުވައިގެން އަމީރު އަޙްމަދު މަގުން ދުއްވާފައި ދަނިކޮށް އިއްޔެގެ ހަވީރުގެ ވަގުތެއްގައެވެ. ފުލުހުން ވިދާޅުވީ، 132 ބަނގުރާފުޅި ހުރި ޕިކަޕުގައި ހައްޔަރުކުރި މީހާވެސް އިން ކަމަށެވެ.
މިމައްސަލަ ޑްރަގް އެންފޯސްމަންޓް ޑިޕާޓްމަންޓުން ދަނީ ތަޙުޤީޤު ކުރަމުންނެވެ.
ފުލުހުން މާލޭގައި ހިންގާ އޮޕަރޭޝަންތަކުގައި ދާދި ފަހުން ވެސް ވަނީ ގެޔަކުން ގިނަ އަދަދެއްގެ ބަނގުރާ ފުޅިތަކެއް ހޯދައި ބަޔަކު ހައްޔަރުކޮށްފައެވެ.