ކަނޑުން ބައެއް ގެއްލުނު ކަމަށް ބުނެ ހެދި ދޮގު ދެމެހެއްޓުމަށް 10 މިލިއަން ރުފިޔާ މުއިއްޒު ޚަރަދު ކޮށްފިއެވެ. މީގެ ތެރެއިން ބައެއް ޚަރަދު ކޮށްފައި ވަނީ ބަޖެޓް ކޮށްގެން ކަމަށާއި، މާލީ ހާލަތު ރަނގަޅު ވެއްޖެ ނަމަ، މުއިއްޒު ބޭނުންވަނީ މި ދޮގު 2028 އާއި ހަމަ އަށް ދައްމާލަން ކަމަށް، ރައީސް އޮފީހުން ދިޔަވަރު ނޫހަށް މައުލޫމާތު ދިން އޮފިޝަލަކު ހާމަ ކުރިއެވެ. އަދި އެކަމަށް 100 އެތައް މިލިއަނެއް ޚަރަދުވިއަސް، މުއިއްޒު ބޭނުންވަނީ “ގެއްލުނު ކަނޑު” ހޯދުމަށް “ޖިހާދު” ކުރާ ހީރޯ ގެ ލަގަބު ލިބި ގަތުމަށާއި، ނުގެއްލޭ ހިޔާލީ ކަނޑެއް ހޯދުމަށް ކުރާ މިފަދަ ޤައުމީ “ޖިހާދެއް”، “ހަނގުރާމައެއް” ނުނިމޭނެ ކަމަށާއި، އެހެން ކަމުން މިކަން ދިގުލައިގެން ދާގޮތަށް، ކުރިއަށް ގެންދިޔުމަށް މުއިއްޒު ނިންމާފައިވާ ކަމަށް އޭނާ ހާމަ ކުރެއްވިއެވެ. މިކަމުގައި އޮތީ ހޭ ނުޖެހޭ ގިނަ ރައްޔިތުންތަކެއްގެ ތާޢީދު ހޯދުން ކަމަށް އޭނާ ދިޔަވަރަށް ޑީއެމްކޮށް ކިޔައި ދެއްވިއެވެ.
ޗާގޯސްގެ މައްސަލަ ކުރިއަށް ގެންދެވޭނީ އޭނާއަށް ކަމަށް ބުނެ 2028 ގައި އެ ކާޑު ކުޅުމަށް މުއިއްޒު ރާވާފައިވާކަން އޭނާ ޔަގީން ކޮށްދިނެވެ.
މުއިއްޒު އަކީ ދޮގު ހެދުމުގައި ރާއްޖޭގެ ތާރީހުގައި ބަޔަކު މިހާތަނަށް ދެކެފައި ނުވާ ފަދަ ބޮޑެތި ދޮގުތައް ހަދާފައިވާ ވެރިއެކެވެ. އޭނާއަށް “ކައްޒާބު”ގެ ނަމުން ރައްޔިތުން މުހާތަބު ކުރާއިރު، ކަނޑު ގެއްލުނު ކަމަށް ބުނެ ހެދި ދޮގަށް ރިޔާސީ ވައުދެއްގެ ލަގަބު އޭނާ ދިނެވެ.
މި ގޮތުން މި ދޮގުގެ މައްޗަށް ސަރުކާރުން ފައިދާ ނެގުމަށާއި، މީގެ ތެރެއިން އުފައްދާ ހައްދުފަހަނައެޅި ޤައުމިއްޔަތުގެ ފިކުރުގައި ރައްޔިތުންގެ ތާޢީދު ހޯދުމުގެ ނުބައި ބޭނުމުގައި، މުއިއްޒުގެ ސަރުކާރުގެ ފުރަތަމަ 100 ދުވަހަށް ރައީސް ޑރ. މުހައްމަދު މުއިއްޒު އެކުލަވާލި ހަފުތާ 14 ގައި ހިމެނުއްވި އެންމެ ބޮޑު އަދި ގައުމު ސިޔާދަތާ ގުޅޭ އެއް ވައުދަކަށް ރާއްޖޭގެ ދެކުނު ކަނޑުން “ގެއްލުނު” ކަމަށް ބުނާ ސަރަހައްދު ހޯދުންމަށް އިންޓަނޭޝަނަލް ޓްރައިބިއުނަލް ފޯ ދަ ލޯ އޮފް ދަ ސީ (އިޓްލޮސް) ގައި އެ މައްސަލަ އިސްތިއުނާފު ކުރުމަށް ހިމެނިއެވެ. މިއީ މުއިއްޒުގެ ހިތުގައި ދޮގާއި މަކަރާއި އޮޅުވާލުމަށް ދެވިފައިވާ ޖާގަ ސާފުކޮށް ފެނިގެން ދިޔަ ކަމެކެވެ.
ނަމަވެސް، މާތް ﷲ ވަނީ މި މަކަރުވެރި، ދޮގުވެރިޔާ ފަޟީހަތް ކުރައްވާފައެވެ. ދައުލަތުގެ މާލީ ހާލަތު ދަށްވެ، ރައްޔިތުންނަށް ދޮގެއް އެއީ ތެދެއް ކަން ދެއްކުމަށް ބައިނަލްއަގުވާމީ ގާނޫނީ ވަކީލުން ހިމަނައިގެން ކުރަން ޖެހުނު މަސައްކަތަކީ އެތައް މިލިއަނެއް ދައުލަތުން ގެއްލިގެންދާ ކަމަކަށްވިއެވެ. އަދި އެއީ މިވަގުތަށް ދައުލަތަށް ޚަރަދު ކުރަން ޖެހުނު ބުރައަކަށް ވިއެވެ. އެހެން ނޫންނަމަ، މުއިއްޒު ނިންމާފައި އޮތީ، އަދި ވެސް ނިންމާފައި އޮތީ އެ މައްސަލަ ވަރަށް މަޑު މަޑު ސްޕީޑެއްގައި ގެންގޮސް، މައްސަލަތައް ބައިނަލްއަގުވާމީ ކޯޓުތަކަށް ލައި، ރާއްޖޭގެ ކަނޑު ގެއްލިފައިވާ ކަމަށް ހަމަ ދައްކައި، އެކަނޑު ހޯދުމުގެ “ހަނގުރާމަ” ތިމަންނާ މިދަނީ ކުރަމުން ކަމަށް މަންޒަރު ދެއްކުމަށެވެ. އަދި އެކަމަށްޓަކައި ތިމަންނާ 2028 އަށް ވެސް ހޮވައި ދިނުމަށެވެ. މުއިއްޒު ހުންނެވީ މި ދޮގު ދެމެހެއްޓުމަށް 100 އެތައް މިލިއަނެއް ޚަރަދު ކުރަން ޖެހުނަސް ކުރުމަށް ކަމަށް ބެލެވެއެވެ.
މި ހައްދުފަހަނައެޅި މަކަރުވެރި، ދޮގުގައި ރައްޔިތުން ދަލު ޖައްސައިގެން މުއިއްޒު ބޭނުންވީ ހީލަތްތެރި ކަމާއި އެކު 5 އަހަރުގެ ދައުރެއް ދުއްވާލުމަށެވެ. އަދިވެސް އުއްމީދު ކޮށްގެން ހުރީ އެގޮތަށެވެ. މިއީ ދޮގާއި މަކަރުގައި އިންސާނަކު ދާންވާ ހިސާބެއް ނޫނެވެ.