ހަގީގީ މިނިވަންކަން ލިބޭނީ އަމިއްލަ އެދުމާއި ދަހިވެތިކަން ޤައުމަށްޓަކައި ދޫކޮށްލައިގެން ކަމަށް ރައީސް މައުމޫން އަބްދުލްޤައްޔޫމް ވިދާޅުވެއްޖެ އެވެ.
ރައީސް މައުމޫން މިހެން ވިދާޅުވީ މިއަދު ފާހަގަ ކުރާ ރާއްޖޭގެ 52 ވަނަ މިނިވަން ދުވަހުގެ މުނާސަބަތުގައި މިނިވަން ދުވަހުގެ ތަހުނިއްޔާ ފޮނުވުމުގެ ގޮތުން ކުރެއްވި ޓްވީޓެއްގައެވެ.
އެމަނިކުފާނު ކުރެއްވި ޓްވީޓްގައި ވިދާޅުވީ ހަގީގީ މިނިވަންކަން ލިބޭނީ އަމިއްލަ އެދުމާއި ދަހިވެތިކަން ޤައުމަށްޓަކައި ދޫކޮށްލައިގެން ކަމަށެވެ.
ރައީސް މައުމޫން މިހެން ވިދާޅުވިއިރު އެމަނިކުފާނު ފަހަކަށް އައިސް ގެންދަވަނީ ވަރަށް ބޮޑަށް ސަރުކާރަށް ފާޑު ވިދާޅުވަމުންނެވެ.