ރައްޔިތުންގެ މަޖިލީހުގެ ހިތަދޫ އުތުރު ދާއިރާއަށް މެންބަރަކު އިންތިހާބު ކުރުމަށް މިދިޔަ ހޮނިހިރު ދުވަހު ބޭއްވި ބައި-އިލެކްޝަންގެ ރަސްމީ ނަތީޖާ އިލެކްޝަންސް ކޮމިޝަނުން މިއަދު އިއުލާނުކޮށްފި އެވެ.
ތަފްސީލް - އިލެކްޝަންސް ކޮމިޝަނުން އާންމުކޮށްފައިވާ ގޮތުން:
އެ ދާއިރާގެ ގޮނޑި އައްޑޫގެ ކުރީގެ މޭޔަރު، އެމްޑީޕީގެ ކެންޑިޑޭޓު އަބްދުﷲ ސޯދިގު ކާމިޔާބު ކުރެއްވީ 1،375 ވޯޓުން؛ އެއީ އިންތިހާބުގައި ވޯޓުލީ 2،730 މީހުންގެ %51.15
އިންތިހާބުގައި ދެން ވާދަކުރެއްވީ ޕީއެންސީގެ ކެންޑިޑޭޓު އަހުމަދު ސައީދު؛ އޭނާއަށް ލިބިވަޑައިގަތީ 1،313 ވޯޓު
އެނގުން މުހިންމު - ހިތަދޫ އުތުރު ދާއިރާގެ ގޮނޑި ހުސްވީ، އެ ދާއިރާގެ މެންބަރަކަށް ހުންނެވި ޕީއެންސީގެ މުހައްމަދު ސިނާންގެ ސާބިތު ދަރަންޏެއް ހުކުމާ އެއްގޮތަށް ދައްކަވާފައި ނުވާތީ ގޮނޑި ގެއްލުނު ކަމަށް ސުޕްރީމް ކޯޓުން ކަނޑައެޅުމުންނެވެ.