ހައި ކޯޓުގެ ކުރީގެ ފަނޑިޔާރު ޝުއައިބު ހުސައިން ޒަކަރިއްޔާ އަވަހާރަވެއްޖެއެވެ.
ޝުއައިބު އަވަހާރަވީ ކެންސަރު ބަލީގައި ފަރުވާ ހޯއްދަވަނިކޮށް ކަމަށް ބައެއް މީޑިއާތަކުން ވަނީ ރިޕޯޓްކޮށްފައެވެ. އަވަހާރަވިއިރު ޝުއައިބުގެ އުމުރުފުޅަކީ 55 އަހަރެވެ.
ޝުއައިބުގެ ކަށުނަމާދު މިރޭ 23:00 ޖަހާއިރު އާސަހަރާ މިސްކިތުގައި އޮންނާނެއެވެ.
ހައި ކޯޓުގެ ފަނޑިޔާރުކަމުގެ މަގާމަށް ޝުއައިބު އައްޔަންކުރީ 2011 ވަނަ އަހަރުގެ މާރޗް 26 ވަނަ ދުވަހުއެވެ. އަދި ކޯޓުގައި 11 އަހަރަށް ވުރެ ގިނަ ދުވަހު ހިދުމަތް ކުރެއްވުމަށްފަހު މަޤާމުން ރިޓަޔަރ ކުރެއްވީ 2022 ވަނަ އަހަރުގެ ނޮވެމްބަރު 22 ވަނަ ދުވަހުއެވެ.