މާލޭގެ ގަލޮޅުގައި ހުންނަ ގެއެއްގެ ތެރޭގައި މަރުވެފައި އޮތް 45 އަހަރުގެ ދިވެއްސަކު ފެނިއްޖެއެވެ.
ފުލުހުން ބުނީ، ރޭގެ ދަންވަރު 1:27 ހާއިރު، މާލޭގެ ގަލޮޅުގައި ހުންނަ ގެއެއްގެ ތެރޭގައި ހަބަރު ހުސްވެފައި އޮތް މީހަކު ފެނިގެން އެ ކަން ރިޕޯޓްކޮށްފައިވާ ކަަމަށެވެ. އެމީހާ ވަނީ ރޭގެ ވަގުތެއްގައި އައިޖީއެމްއެޗަށް ގެންގޮސްފައެވެ.
ހޮސްޕިޓަލަށް ގެންދިޔަ އިރު ވެސް އެމީހާ ވަނީ މަރުވެފައި ކަމަށް އައިޖީއެމްއެޗްއާ ހަވާލާދީ ފުލުހުން ބުނެއެވެ.
މަރުވެފައި ވަނީ ގ. ބިއުޓީ ވިލާ ދާއޫދު ޖަމްރީޒް ކިޔާ އުމުރުން 45 އަހަރުގެ މީހެކެވެ. މ،ި މައްސަލަ ދަނީ އިތުރަށް ތަހުގީގު ކުރަމުން ކަމަށް ފުލުހުން ބުނެއެވެ.
ރޭ ފަތިހުގެ ވަގުތެއްގައި ވެސް މާލޭ ގަލޮޅުގައި ހުރި ގެއަކުން ވަނީ މަރުވެފައި އޮތް މީހަކު ފެނިފައެވެ. އެއީ އުމުރުން 35 އަހަރުގެ ގ. ފަރެސް ލައިޓް، އަލީ ރަޝީދު ނަމަަކަށް ކިޔާ މީހެކެވެ. އޭނާ ވެސް އައިޖީއެމްއެޗަށް ގެންދިޔަ އިރުވެސް ވަނީ މަރުވެފައެވެ.