އެ މަގާމަށް އައްޔަނު ކުރަނީ ގދ. ގައްދޫ، ޔެލޯސީ، އަހުމަދު އަވްފު އަބްދުއްސަމަދެވެ. އޭނާ މިހާރު މަސައްކަތް ކުރައްވަމުން ގެންދަވަނީ ރައީސުލްޖުމްހޫރިއްޔާގެ އޮފީހުގެ ސީނިއާ ކޮންޓެންޓް އޮފިސަރުގެ މަގާމުގަ އެވެ.
ހަތް ރަށެއްގެ މެޖިސްޓްރޭޓް ކޯޓަކަށް ޖުޑިޝަލް ސާވިސް ކޮމިޝަން (ޖޭއެސްސީ) އިން މެޖިސްޓްރޭޓުން އައްޔަނު ކުރަން ނިންމައިފި އެވެ.
ޖޭއެސްސީން މިއަދު ބުނީ ފަނޑިޔާރުން އައްޔަނު ކުރަން ނިންމާފައި ވަނީ ކ. މާފުށި މެޖިސްޓްރޭޓް ކޯޓަށާއި، ލ. މާވަށު މެޖިސްޓްރޭޓް ކޯޓާއި، ހއ. ބާރަށު މެޖިސްޓްރޭޓް ކޯޓާއި، ބ. ކެންދޫ މެޖިސްޓްރޭޓް ކޯޓުގެ އިތުރުން ކ. ކާށިދޫ މެޖިސްޓްރޭޓް ކޯޓާއި ބ. ތުޅާދޫ މެޖިސްޓްރޭޓް ކޯޓު އަދި ގދ. ގައްދޫ މެޖިސްޓްރޭޓް ކޯޓަށެވެ.މާފުށީ ކޯޓަށް އައްޔަނު ކުރަން ނިންމާފައިވަނީ އެރަށު ޝާހީ، ޝިފްނާ އަހުމަދު ސޯދިގެވެ. ޝިފްނާ އުޅުއްވީ 2021 ވަނަ އަހަރުން ފެށިގެން ޝަރުއީ ދާއިރާގައި މަސައްކަތް ކުރައްވަމުންނެވެ.މާވަށު މެޖިސްޓްރޭޓް ކޯޓުގެ އިސް މެޖިސްޓްރޭޓް ކަމަށް އައްޔަން ކުރަން ނިންމާފައިވަނީ ލ. ގަން، މަތިމަރަދޫ، ފަޒާ، އަހުމަދު ޝާފީ އެވެ. އޭނާ މިވަގުތު ހުރީ ހައްދުންމަތީ އަތޮޅު ކައުންސިލްގެ ލީގަލް އޮފިސަރެއްގެ މަގާމުގަ އެވެ.ހއ. ބާރަށު މެޖިސްޓްރޭޓް ކޯޓުގެ އިސް މެޖިސްޓްރޭޓުގެ މަގާމަށް އައްޔަނު ކުރަނީ އެރަށު ރޭސަމް، އަބްދުﷲ ޖައިލަމް އެވެ. އޭނާ ވަނީ ފާއިތުވި ފަސް އަހަރު ޝަރުއީ ދާއިރާގައި މަސައްކަތް ކޮށްފަ އެވެ. އޭނާ މިވަގުތު ހުރީ އެ ކޯޓުގެ އެޑްމިނިސްޓްރޭޓިވް އޮފިސަރެއްގެ މަގާމުގަ އެވެ.ބ.ކެންދޫ މެޖިސްޓްރޭޓް ކޯޓަށް ވެސް އައްޔަނު ކުރަން ނިންމާފައި ވަނީ އިސް މެޖިސްޓްރޭޓެކެވެ. އެ މަގާމަށް އައްޔަނު ކުރަނީ އެރަށު ސައްކެޔޮގެ، ޖިނާން އަބްދުﷲ އެވެ. ޝަރުއީ ދާއިރާގައި ހަ އަހަރަށް ވުރެ ގިނަ ދުވަހުގެ އޭނާ މަސައްކަތްކޮށްފައިވާއިރު، މިހާރު މަސައްކަތް ކުރައްވަމުން ގެންދަވަނީ ޕްރޮސެކިއުޓާ ޖެނެރަލްގެ އޮފީހުގެ ޕަބްލިކް ޕްރޮސެކިއުޓަރެއްގެ މަގާމުގަ އެވެ.ޖޭއެސްސީން އިތުރަށް ހާމަކޮށްފައިވާ ގޮތުގައި ކާށިދޫ މެޖިސްޓްރޭޓް ކޯޓުގެ އިސް މެޖިސްޓްރޭޓް ކަމަށް އައްޔަނު ކުރަނީ ފ. ދަރަނބޫދޫ، ރޯޝަނީގެ، އަލީ އިސްމާއީލެވެ. އޭނާ މިވަގުތު ހުންނެވީ އެޓާނީ ޖެނެރަލްގެ އޮފީހުގެ ސްޓޭޓް އެޓާނީ ކަމުގެ މަގާމުގަ އެވެ.ތުޅާދޫ މެޖިސްޓްރޭޓް ކޯޓު ކޯޓަށް އައްޔަނު ކުރަނީ ލ. މާވަށް، އެންދެރިމާގެ، އިސްމާއިލް މާހިރެވެ. އޭނާ އަކީ 2013 އިން 2023 އަށް ލ. މާވަށު މެޖިސްޓްރޭޓް ކޯޓުގެ އިސް މެޖިސްޓްރޭޓެއްގެ ގޮތުގައި މަސައްކަތްކުރައްވާފައިވާ ބޭފުޅެކެވެ. އޭނާ އައްޔަނު ކުރަނީ ތުޅާދޫ މެޖިސްޓްރޭޓް ކޯޓުގެ އިސް މެޖިސްޓްރޭޓުގެ މަގާމަށެވެ.ގައްދޫ މެޖިސްޓްރޭޓް ކޯޓަށް ވެސް އައްޔަނު ކުރަނީ އިސް މެޖިސްޓްރޭޓެކެވެ. އެ މަގާމަށް އައްޔަނު ކުރަނީ ގދ. ގައްދޫ، ޔެލޯސީ، އަހުމަދު އަވްފު އަބްދުއްސަމަދެވެ. އޭނާ މިހާރު މަސައްކަތް ކުރައްވަމުން ގެންދަވަނީ ރައީސުލްޖުމްހޫރިއްޔާގެ އޮފީހުގެ ސީނިއާ ކޮންޓެންޓް އޮފިސަރުގެ މަގާމުގަ އެވެ.
މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ