އަދިވެސް ރާއްޖޭގެ އެންމެ ބޮޑު އެއް ޕާޓީއެއްގެ ގޮތުގައި އޮތް ޕީޕީއެމްގެ ނައިބު ރައީސުންގެ ގޮތުގައި ތިބި ދެބޭފުޅުންކަމުގައިވާ, މި ސަރުކާރުގެ ޑިފެންސް މިނިސްޓަރ ޢައްސާން މައުމޫންއާއި, ފިޝަރީޒް މިނިސްޓަރ ޝިޔާމްއަށް ރައީސް މުއިއްޒުއަށް އިތުބާރު ނުކުވޭތީ, ޕީޕީއެމްގެ ނައިބު ރައީސްކަމުގެ މަގާމަށް މި ސަރުކާރުގެ ޚާރިޖީ ވަޒީރު ޑރ. އަބުދުالله ޚަލީލު އައްޔަން ކޮށްފިއެވެ.
ސަރުކާރު ކޯލިޝަންގައި ހިމެނޭ ޕީޕީއެމްގެ ނައިބް ރައީސްްގެ ކަމުގެ މަގާމަށް ހާރިޖީ ވަޒީރު ޑރ. އަބްދުﷲ ޚަލީލާއި އެ ޕާޓީގެ ސެކެރެޓަރީ ޖެނެރަލް (އެސްޖީ)ގެ މަގާމަށް ދަރުމަވަންތަ ހޮސްޕިޓަލުގެ ސީއީއޯ އަބްދުއްރައްޒާގް ހަލީމް އައްޔަން ކޮށްފައިވަނީ މިއަދު މެންދުރު ފަހު ބޭއްވި އެ ޕާޓީގެ ސެނެޓް ބައްދަލުވުމުގައެވެ. އެ ބައްދަލުވުމުގެ ރިޔާސަތު ބެލެހެެއްޓެވީވެސް މި ދެ ބޭފުޅުންގެ އިތުރުން، އެ ޕާޓީގެ ނައިބް ރަައީސް ދިފާއީ ވަޒީރު ޣައްސާން މައުމޫނެވެ.
މި ބައްދަލުވުމަށް ޕާޓީގެ ނައިބު ރައީސްގެ މަގާމްގައި ހުންނެވި ޝިޔާމް ހާޒިރުވެފައެއް ނުވެއެވެ. އޭނާ ސެނެޓް ބައްދަލުވުމަށް ހާޒިރުވެފައި ނުވަނީ, ލީޑަރޝިޕަށް ގެންނަ ބަދަލުތަކާއި ގުޅޭގޮތުން ހިންހަމަ ނުޖެހިގެންކަމަށް އެނގިފައި ވެއެވެ.
ޕީޕީއެމް/ޕީއެންސީގެ އޮފިޝަލަކު ވިދާޅުވީ، ޕީޕީއެމްގައި ހުސްވެފައިވާ ނައިބް ރައީސްގެ މަގާމަށް ޑރ. ޙަލީލް އަދި އެސްޖީ ކަމަށް ހަލީމް ސެނެޓްގެ އިއްތިފާނުން އިންތިހާބު ކޮށްފައިވާ ކަަމަށެވެ.
“ދިޔަވަރު އޮންލައިން”އަށް މައުލޫމާތު ލިބިފައިވާ ގޮތުގައި, ޕީޕީއެމްގެ އެއް ނައިބު ރައީސަކަށް ޑރ. ޚަލީލު އައްޔަންކޮށް, އަދި ޕާޓީގެ އިދާރީ އެންމެ އިސްމަގާމަށް ހަލީމް އައްޔަން ކޮށްފައިވަނީ, އެޕާޓީގެ ދެ ނައިބު ރައީސުންގެ ގޮތުގައި ތިބި ޢައްސާންއާއި ޝިޔާމްއަށް މުއިއްޒުއަށް އިތުބާރު ނުކުރެވިގެން, އެޕާޓީއަށް ރައީސް ޔާމިން އަތްގަދަ ކޮށްފާނެކަމަށް މުއިއްޒުގެ ހިތުގައި އުފެދިފައިބާ ޝައްކުތަކާއި ވަހުމްތަކާއި ގުޅިގެން ކަމުގައެވެ.
އަދި މިއީ, ޕީޕީއެމް “އެކްޓިވް ނޫން” ޕާޓީއެއްގެ ގޮތުގައި ބޭއްވުމަށް މުއިއްޒު ބޭނުންވާތީ ގެނައި ބަދަލެއްކަމަށްވެސް “ދިޔަވަރު އޮންލައިން”އަށް މައުލޫމާތު ދިން ޕީއެންސީގެ އޮފިޝަލް ވިދާޅުވެފައި ވެއެވެ.
ރައީސް މުއިއްޒު ފާހަގަ ވެފައިވަނީ, ވެރިކަން ގެއްލިދާނެތީ ހިތުގައި އުފެދޭ ޝައްކުތަކާއި ވަހުމްތަކުގެ ސަބަބުން, އެއްވެސް މީހަކަށް އިތުބާރު ކުރަން އެނގިވަޑައި ނުގަންނަވާ ރައީސެއްގެ ގޮތުގައެވެ.
އީސީގެ ތަފާސްހިސާބުތައް ދައްކާގޮތުން ސެޕްޓެމްބަރު 19 އާ ހަމައަށް އެ ޕާޓީގައި 34،698 މެންބަރުން އެބަތިއްބެެވެ. އަދި އެ ޕާޓީއަކީ މިވަގުތު ރާއްޖޭގައި އޮތް ދެވަނައަށް އެންމެ ބޮޑު ޕާޓީކަމަށް ދައްކައެވެ.