ހުޅުމާލޭ ދެވަނަ ފިޔަވަހީގެ ހިޔާ ޓަވަރެއްގައި ހިނގި އަލިފާންގެ ހާދިސާއާ ގުޅިގެން ހަތް އެޕާޓުމަންޓެއްގައި ދިރިއުޅޭ 37 މީހަކަށް ވަގުތީ ބޯހިޔާވަހިކަން ފޯރުކޮށްދީފައިވާ ކަމަށް މޯލްޑިވްސް ނެޝަނަލް ޑިޒާސްޓާ މެނޭޖުމަންޓް އޮތޯރިޓީ (އެންޑީއެމްއޭ) އިން މިއަދު ބުނެފި އެވެ.
ވީ ކިހިނެއް؟ - ހިޔާގެ ފަސްވަނަ ޓަވަރުގެ ވައިގޮޅީގައި ހުރި އައުޓްޑޯ އޭސީ ޔުނިޓެއްގައި ރޯވެގެން މި ހާދިސާ ހިނގާފައިވަނީ ރޭ އިރުއޮއްސުނު ވަގުތެވެ. އެ ހާދިސާއާ ގުޅިގެން އެ ޓަވަރު އެއްކޮށް ހުސްކުރިއިރު، ރޭގެ 8 ޖަހާކަށްހާއިރު އަލިފާންގަނޑު ވަނީ ނިއްވާލާފަ އެވެ.
ތަފްސީލް - މިއަދު އެންޑީއެމްއޭ ބުނިގޮތުގައި އެ ޓަވަރުގެ ހަތް އެޕާޓްމަންޓެއްގެ 37 މީހަކަށް ވަގުތީ ބޯހިޔާވަހިކަން ފޯރުކޮށްދީފައިވާއިރު، އެ އެޕާޓުމަންޓުތަކަށް ލިބިފައިވާ ގެއްލުންތައް ދެނެގަނެ މަރާމާތުގެ މަސައްކަތް ދަނީ ކުރަމުންނެވެ.
އެގޮތުން ބުނީ:
މި ހާދިސާއަށް ފަހު ނަރުދަމާއަށް ލިބުނު ގެއްލުން ދެނެގަނެ ގެއްލުންތައް މަރާމާތުކުރުމުގެ މަސައްކަތް އެޗްޑީސީން ދަނީ ކުރަމުން 
މި އަލިފާނުގެ ހާދިސާއާއި ގުޅިގެން އިތުރަށް ބަލަން ޖެހޭ ކަންކަން އެޗްޑީސީ އާއި ގުޅިގެން މި ދަނީ ބަލަމުން 
މި ހާދިސާއާއި ގުޅިގެން އެހީތެރިކަމެއް ބޭނުންވާ ނަމަ އެންޑީއެމްއޭގެ އެމެޖެންސީ ހޮޓްލައިން 115 އަށް ގުޅަން އިލްތިމާސްކުރި