ފާއިތުވި ދޮޅު މަހެއްހާ ދުވަސް ތެރޭ 2 މިލިއަން ސިނގިރޭޓް އަދި 7000އެއްހާ ވޭޕް ސްޓިކް އަތުލައިގެންފައިވާ ކަމަށް ހޯމްލޭންޑް މިނިސްޓަރު އަލީ އިހުސާން މިއަދު ވިދާޅުވެއްޖެ އެވެ،
ވީ ކިހިނެއް؟ - ހޯމްލޭންޑް މިނިސްޓްރީން މިއަދު ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި މިނިސްޓަރު އިހުސާން ވަނީ، ގަވާއިދާ ހިލާފަށް ރާއްޖެ އެތެރެކުރަން އުޅެނިކޮށް ކަސްޓަމްސް އާއި ފުލުހުން ގުޅިގެން ހިންގި ތަފާތު އޮޕަރޭޝަންތަކުގައި އަތުލައިގަންފައިވާ ތަކެތީގެ ތަފްސީލްތައް ހިއްސާކުރައްވާފަ އެވެ.
ތަފްސީލް - އިހުސާން ވިދާޅުވި ގޮތުން، މިދިޔަ ދޮޅު މަސް ތެރޭ:
7000 ވޭޕްސްޓިކް އަތުލައިގަނެވިފައިވޭ
2 މިލިއަނެއްހާ ސިނގިރޭޓް ވެސް އަތުލައިގަނެވިފައިވޭ
ފާހަގަކޮށްލެވޭ ކަމެއް - 2024ގެ ފަހުކޮޅުން ފެށިގެން ސިނގިރޭޓުގެ އަގު ސަރުކާރުން ބޮޑުކުރުމާ އެކު އެކި ކަހަލަ ވަގު ބްރޭންޑްތަކުގެ ސިނގިރޭޓާއި އެ ނޫން ވެސް ވަގަށް އެތެރެކޮށްފައިވާ ސިނގިރޭޓު ވިއްކުން ވަނީ އާންމުުވެފަ އެވެ. 
ރާއްޖޭގައި ވޭޕް ބޭނުން ކުރުމާއި ވޭޕް އެތެރެކުރުން ވެސް މަނާކޮށްފައިވާއިރު، އެފަދަ އެއްވެސް އަމަލެއް ކޮށްފި ނަމަ ބޮޑެތި އަދަދުތަކުން ޖޫރިމަނާ ކުރަން ވެސް ގާނޫނުގައި ވަނީ ހިމަނައިފަ އެވެ.