އެމެރިކާގެ ތިރި ގެ، ކޮންގްރެސްގައި މިނެސޯޓާ ތަމްސީލު ކުރައްވާ އިލްހާން އުމަރު ޓައުން ހޯލް ބައްދަލުވުމެއްގައި ވާހަކަ ދައްކަވަނިކޮށް، ނޭނގޭ ވައްތަރެއްގެ ދިޔާ އެއްޗަކުން އޭނާއަށް މިއަދު ހަމަލާދީފި އެވެ.
މިނިއާމިނިއާޕޮލިސްގެ ފުލުހުން ބުނީ އިލްހާންގެ ގަޔަށް ހަމަލާދިނީ ސިރިންޖަކުން ލިކުއިޑް ސްޕްރޭއަކުން ކަމަށެވެ.
އިލްހާންއަށް އެއްވެސް އަނިޔާއެއް ނުލިބެ އެވެ. އަދި އޭނާ ވާހަކަ ދައްކަމުން ދިޔަ އެވެ.
ފުލުހުން ބުނީ އެ މީހާ ވަގުތުން ހައްޔަރު ކޮށްފައިވާ ކަމަށާއި ފޮރެންސިކް ހެދި ކަމަށެވެ.
"އަހަރެން ހީކުރީ އެއީ އޭނާގެ އެހީތެރިޔަކު ނޯޓެއް ނުވަތަ އެހެން އެއްޗެއް ހަވާލު ކުރަން ދިޔައީ ކަމަށް،"  އިލްހާންގެ އެހީތެރިޔަކު ބުންޏެވެ.
އިލްހާންއަށް ހަމަލާދިން މީހާ ކޮޓަރިން ނެރުނު އިރު އޭނާ ބުނީ އިލްހާން "އަހަރެމެން އެކަކު އަނެކަކާ ދެކޮޅަށް" ވާހަކަ ދައްކާ ކަމަށެވެ. 
އެ ކޮޓަރީގައި ހުރި ބީބީސީގެ ނޫސްވެރިއަކު ބުނި ގޮތުގައި، އިލްހާން ގަޔަށް ސްޕްރޭ ކުރި ދިޔާ އެތީގައި ހުރީ ކެމިކަލް ފަދަ ވަހެކެވެ.
މިނިއާޕޮލިސްގެ މޭޔަރު ޖޭކޮބް ފްރޭ ސޯޝަލް މީޑިއާގައި ކުރެއްވި ޕޯސްޓެއްގައި ވިދާޅުވީ "މިނިއާޕޮލިސްގައި އަނިޔާވެރިކަމާއި ބިރުދެއްކުމަށް އެއްވެސް ޖާގައެއް ނޯންނާނެ" ކަމަށާއި "މީހުންނަށް ނުރައްކާ ނުކޮށް ދެކޮޅުވެރިވެވި ހިޔާލު ފާޅުކުރެވިދާނެ" ކަމަށެވެ. 
އިލްހާން ފުރަތަމަ ކޮންގްރެސްއަށް އިންތިހާބުވެވަޑައިގަތީ 2019 ވަނަ އަހަރު އެވެ. އޭނާއަކީ ސޯމާލިއަން އެމެރިކަން އަދި އެފްރިކާއަށް އުފަން ފުރަތަމަ މުސްލިމް ކޮންގްރެސް މެންބަރެވެ.