ކަރަންޓުގެ ވިއުގަ އަޕްގްރޭޑް ކުރުމުގެ މަސައްކަތެއް ކުރުމަށް މާލޭގެ ބައެއް ސަރަހައްދުތަކުން މިއަދު ކަރަންޓު ކެނޑިދާނެ ކަމަށް ސްޓެލްކޯއިން ބުނެފިއެވެ.
ސްޓެލްކޯއިން ބުނެފައިވަނީ ކަރަންޓުގެ ވިއުގަ އަޕްގްރޭޑް ކުރުމުގެ މަސައްކަތައް މާފަންނުގެ ޝާރިއުވަރުދީ، ކޮޅިދޮށުމަގު، ފުލޫނިޔާމަގު، ކާނޭޝަންމަގުގެ އިތުރުން، އިރާކު މަގުން މިއަދު ހެނދުނު 09:30 އިން 11:30 އަށް ކަރަންޓުގެ ހިދުމަތް މެދުކެނޑުމަކީ އެކަށީގެންވާކަމެއް ކަމަށެވެ.
މީގެއިތުރުން ކަރަންޓުގެ ވިއުގަ އަޕްގްރޭޑް ކުރުމުގެ މަސައްކަތައް މައްޗަންގޮޅީގެ ގުލްހަޒާރު ގޯޅި، ނަސީމީ ހިނގުން، އުނިގަސްމަގުގެ އިތުރުން، ދަކަނދާ މަގުން މިއަދު މެންދުރު 14:00 އިން 16:00 އަށް ކަރަންޓުގެ ހިދުމަތް މެދުކެނޑުމަކީ އެކަށީގެންވާކަމެއް ކަމަށެވެ.
ސްޓެލްކޯއިން ވަނީ މިވަގުތުތަކުގައި ކަރަންޓު ކެނޑުމުން ދިމާވެދާނެ ދަތިތަކަށް ކަސްޓަމަރުންގެ ކިބައިން މާފަށް އެދިފައެވެ. ސްޓެލްކޯއިން އަބަދުވެސް އަންނަނީ އެ ކުންފުނިން ފޯރުކޮށްދޭ ކަރަންޓު ހިދުމަތުގެ ފެންވަރު ރަނގަޅު ކުރުމުގެ މަސައްކަތް ކުރަމުންނެވެ.