ކުއްލި ހާލަތްތަކަށް ތައްޔާރުވެ، ގައުމު އާރާސްތުކުރެވޭނީ ސުނާމީއަށް ފަހު ދިރުވި އެއްބައިވަންތަކަން ދިވެހީންގެ ތެރޭގައި އޮވެގެން ކަމަށާއި އެކަންކަން ކުރުމަށް މިއަދު ހަނދާންކުރަންވީ ސުނާމީއަށް ފަހު ދިރުވި އެއްބައިވަންތަކަން ކަމަށް ރައީސް ޑރ. މުހައްމަދު މުއިއްޒު މިއަދު ވިދާޅުވެއްޖެއެވެ. ދިވެހިރާއްޖެއަށް ސުނާމީގެ ބޮޑު ރާޅު އެރީ 2004 ވަނަ އަހަރުގެ ޑިސެންބަރު 26 ވަނަ ދުވަހެވެ. އެ ބޮޑު ކާރިސާ ކުރިމަތިވީތާ މިއަދަށް މިވަނީ 21 އަހަރު ފުރިފައެވެ. ދުވަހާ ގުޅިގެން ރައީސް ނެރުއްވި ޚިޠާބުގައި ވިދާޅުވީ, މި ގައުމާ ކުރިމަތިވި ކުއްލި ނުރައްކަލުގެ އެ އުނދަގޫ ހާލަތުގެ ހަނދާންތައް ދުވަހަކު ވެސް ދިވެހީންގެ ހިތްތަކުން ފިލައިގެން ނުދާނެ ކަމަށެވެ. މިއަދު އެ މަނިކުފާނުގެ އެންމެ އިސް ވާޖިބަކީ، އެ ހިތާމަވެރި ހާދިސާގައި ދުނިޔެ ދޫކުރި ދިވެހި އަޚުންނާއި އުޚުތުންނަށް ސުވަރުގޭގެ ދާއިމީ ނިއުމަތް ދެއްވުން އެދި ދުއާކުރުން ކަމަށް ވިދާޅުވެ އެ މަނިކުފާނު ވަނީ ހަމްދަރުދީވެވަޑައިގެންފައެވެ. އެ މަނިކުފާނު ވަނީ އެ ދުވަހު ރާއްޖޭގެ އެކި ރަށްތަކަށް އެރި ބޮޑު ރާޅާއެކު، ގޯތިގެދޮރު ގެއްލި، ބޮޑެތި ގެއްލުންތައް ލިބުނު ކޮންމެ ރައްޔިތަކާއި ކޮންމެ އާއިލާއަކުން ދިރިއުޅުން އަލުން އާރާސްތުކުރުމަށް ހިތްވަރާއެކު ފެށި މަސައްކަތުގައި ބަރަކާތްލެއްވުމަށާއި ކާމިޔާބީއަށް އެދިވަޑައިގެންފައެވެ. ދިވެހީންގެ ގައުމީ ހަޔާތުން ފެންނާން އޮތް އެންމެ ރީތި އެންމެ އުންމީދީ އެއް ސިފައަކީ، ރާއްޖެއަށް ކުރިމަތިވާ ކޮންމެ ދަތި އުނދަގޫ ހާލަތެއްގައި ވެސް އިސްކުރާ އެއްބައިވަންތަކަން ކަމަށް ރައީސް ވިދާޅުވިއެވެ. އެ ގޮތުން އުޚުއްވަތްތެރި، އެއްބަނޑުއެއްބަފާ ބައެއްގެ ގޮތުގައި ބަދަހިކަމާއެކު ތިބެ، ގައުމު ސަލާމަތްކޮށް، ގައުމަށް ހެޔޮގޮތް ހޯދައިދިނުމުގައި މުޅި ދުނިޔެއަށް ނަމޫނާ ދައްކަމުންދާތާ އެތައް ސަތޭކަ އަހަރެއް ވެއްޖެ ކަމަށް އެ މަނިކުފާނު ވިދާޅުވިއެވެ. ސުނާމީގެ އުނދަގޫ ހާލަތުން އަރައިގަނެ، ހާލުގައި ޖެހުނު ރައްޔިތުންނަށް އެހީތެރިކަން ފޯރުކޮށްދީ، ގައުމު އަލުން އާރާސްތުކުރުމުގައި ވެސް އަޅުގަނޑުމެން މަސައްކަތްކުރީ، މުސްލިމުން އެއްބަޔަކު އަނެއްބަޔަކާ ބައިވެރިވެ އެހީތެރިވުމުގައި މާތް ނަބިއްޔާގެ ހަދީޘްފުޅުން އިބުރަތް ލިބިގަނެ، "އެއް ހަށިގަނޑެއްގެ" މިސާލުގައި، ރައީސް ޑރ. މުހައްމަދު މުއިއްޒު ސުނާމީ ކާރިސާއިން ލިބުނު އިބުރަތްތައް ގިނަގުނަކަން ފާހަގަކުރައްވައި ރައީސް ވަނީ ކޮންމެ ހާލަތެއްގައި ވެސް މާތްﷲއަށް ވަކީލުކޮށް އެ އިލާހުގެ ޙަޟްރަތުން ވާގި އެދި, ދުއާކޮށް، ހެޔޮ ނިޔަތުގައި މަސައްކަތް ކުރުމަށް ގޮވާލައިފައެވެ. އަދި, އެ މީހަކަށް ވީވަރަކުން އަނެކުންނަށް އެހީތެރިކަން ފޯރުކޮށް ދިނުމަށް ވަނީ އެދިވަޑައިގެންފައެވެ. ސުނާމީން ލިބޭ އެންމެ ބޮޑު އެއް އިބުރަތަކީ އެފަދަ ހާލަތްތަކާ ގުޅިގެން އެއް ރަށުން އަނެއް ރަށަށް ދިރިއުޅުން ބަދަލުކޮށް ވަޒަންވެރިވާ ކޮންމެ އާއިލާއަކަށް މެހުމާންދާރީ އަދާކޮށް ދިރިއުޅުން ފަހިކޮށް ދިނުމުގައި އޮތް އިޖުތިމާއީ ފައިދާ ކަމަށް އެ މަނިކުފާނު ވިދާޅުވިއެވެ. އަދި, ދެމެހެއްޓެނިވި ތަރައްގީގެ ވިސްނުމުގައި ގައުމީ ތަރައްގީގެ ޕްލޭން ރޭވުމުގެ މުހިންމުކަމާއި، ކުއްލި ހާލަތްތަކާ ކުރިމަތިލުމަށް ތައްޔާރީ ހާލަތުގައި އަބަދުމެ ތިބުމުގެ މުހިންމުކަން ކަމަށް ރައީސް ވިދާޅުވިއެވެ. ވަކިން ޚާއްސަކޮށް ބައިނަލްއަގުވާމީ މުޖުތަމައާ އެކުވެރި ގައުމެއްގެ ގޮތުގައި ދިވެހިރާއްޖެ އަބަދުމެ ދެމި އޮތުމުގެ މަންފާއަކީ ވެސް އެ ހާދިސާއިން ލިބޭ މުހިންމު ފިލާވަޅެއް ކަމަށް އެ މަނިކުފާނު ވިދާޅުވިއެވެ. އެއްބައިވަންތަކަމަކީ ގައުމެއް ކުރިއަރައި ދިޔުމުގެ ބިންގާ ދިވެހީންގެ ސަގާފަތާއި ދިރިއުޅުމާ ގުޅިފައިވާ ކަނޑު އުޅަނދެއްގައި ނަމަ، ދޯންޏެއްގެ އޭގެ ބަނދަރަށް ދަތުރުކުރުމަށް ޓަކައި ނުވަތަ ފެންމަތީ އޮތުމަށްޓަކައި އެ ދޯނީގެ މަޑޫތައް ރަނގަޅަށް ހިނމުންކޮށް ގުޅިފައި ހުންނަން ޖެހޭ، ރައީސް ޑރ. މުހައްމަދު މުއިއްޒު ހަމަ އެފަދައިން ގައުމެއްގެ ހުވަފެންތައް ހަގީގަތަކަށް ހަދައި، ކުރިއެރުމާއި ތަރައްގީ ހޯދައި، އުފާވެރި ހިތްފަސޭހަ މާހައުލެއް ބިނާކުރުމަށްޓަކައި އެ ގައުމެއްގެ ހުރިހައި ފަރުދުންގެ އެއްބައިވަންތަކަން މުހިންމު ކަމަށް ރައީސް ވިދާޅުވިއެވެ. އަދި, މިއަދު ހަނދާން ކުރަންވީ ސުނާމީއަށްފަހު ދިވެހީން ދިރުވި އެއްބައިވަންތަކަން ކަމަށާއި، އެއް ގައުމެއްގެ ގޮތުގައި ގުޅިގެން، ހިތްވަރާއި ހިނިތުންވުމާއެކު އާރާސްތުކުރި ދިރިއުޅުމެއް ކަމާއި، އެކުވެރިކަމަކީ ގަދަފަދަ ބާރެއްކަން ކަމަށް އެ މަނިކުފާނު ވިދާޅުވިއެވެ.