އަންނަ އޭޕްރީލް މަހު ބާއްވާ ލޯކަލް ކައުންސިލްތަކުގެ އިންތިހާބާއި އަންހެނުންގެ ތަރައްގީއަށް މަސައްކަތް ކުރާ ކޮމެޓީގެ އިންތިހާބަށް ކުރިމަތިލުމަށް ފޯމު ހުށަހެޅުމުގެ ވަގުތު އިލެކްޝަންސް ކޮމިޝަނުން މިއަދު އިތުރުކޮށްފި އެވެ.
ވީ ކިހިނެއް؟ - އެ ކޮމިޝަނުން މިއަދު ކުރި އިއުލާނެއްގައި ބުނީ އިންތިހާބުގައި ވާދަކުރުމަށް އޮންލައިންކޮށް ފޯމު ހުށަހެޅުމަށް ކޮންމެ ދުވަހަކު ވެސް އިތުރު ދެ ގަޑިއިރު ލިބޭނެ ކަމަށެވެ.
ތަފްސީލް - މިއާ އެކު، މިއަދުން ފެށިގެން އަންނަ މަހުގެ 1 ވަނަ ދުވަހުގެ ނިޔަލަށް ފޯމު ހުށަހެޅުމަށް އިތުުރު ވަގުތު ކޮންމެ ދުވަހަކު ވެސް ލިބޭނެ އެވެ. އެގޮތުން، ފޯމު ހުށަހެޅޭނީ:
ހުކުރު ދުވަސް ފިޔަވާ ކޮންމެ ދުވަހެއްގެ ހެނދުނު 8:30 އިން ހަވީރު 5:30އަށް
ހުކުރު ދުވަހުގެ މެންދުރު ފަހު 3:30 އިން ރޭގަނޑު 8އަށް
ފާހަގަ ކުރެވޭ - 4 އޭޕްރީލްގައި ބާއްވާ އިންތިހާބަށް ކުރިމަތިލުމަށް ފޯމު ހުށަހެޅުމުގެ މުއްދަތު ކުރު ކަމަށް ބުނެ އިދިކޮޅު އެމްޑީޕީން ވަނީ ކަންބޮޑުވުން ފާޅުކޮށްފަ އެވެ. އިންތިހާބަށް ކުރިމަތިލާން މިހާރު ދީފައިވާ 14 ދުވަހުގެ އިތުރަށް 10 ދުވަސް ދޭން އެ ޕާޓީން ވަނީ އެދިފަ އެވެ.