ޕީއެންސީއަށް ވެރިކަމާ އެކު ރައްޔިތުންގެ މަޖިލިސް ވެސް ދީފައި ވާއިރު، ތިން އަހަރު ވެގެންދިޔައިރު ފެންނަނީ ރާއްޖެ ބަނގުރޫޓުވަމުންދާ ތަން ކަމަށް އެމްޑީޕީގެ ޕާލިމަންޓަރީ ގްރޫޕް (ޕީޖީ)ގެ ކުރީގެ ލީޑަރު މުހައްމަދު ރަޝީދު ހުސައިން (ބިގޭ) ރޭ ވިދާޅުވެއްޖެ އެވެ.  އޭނާ އެފަދައިން ވިދާޅުވީ ރޭ އެމްޑީޕީ ހަރުގެ ޖަލްސާ ގައި ވާހަކަދައްކަވަމުންނެވެ.ރާއްޖެ މިހާރު ދަނީ ދުވަހެއް ދުވަހަކަށް އަޑިއަށް ދަމުން ކަމަށާއި އެގޮތަށް އަޑިއަށްދާން ދޫކޮށްލައިފި ނަމަ އަންނަން އޮތް ޖީލުތަކަށް މި ރާއްޖެ ސަލާމަތްކޮށްދެވޭނެ އެއްވެސް ގޮތެއް ނޯންނާނެ ކަމަށް އޭނާ ވިދާޅުވި އެވެ. "އެމްޑީޕީއަކީ ވަކި މީހެއްގެ މުށުތެރޭ އޮތް ޕާޓީއެއް ނޫން މިހާރު. އެމްޑީޕީއަކީ 20 އަހަރު ފުރި ތަސައްރަފު ފުދިފައި އޮތް މުއައްސަސާއެއް ގޮތަށް އޭގެ ޒާތުގައި ހިނގަހިނގާ އޮންނަ ޕާޓީއެއް މިހާރު. ޕާޓީ ދޫކޮށްފައި ދާ މީހުން އެނބުރި އަންނާނެ. ދާނެ، އެހެން ނަމަވެސް އެމްޑީޕީއަކީ އޭގެ ޒާތުގައި އޮވެގެން ހިނގަހިނގާ ދާ ޕާޓީއެއް،" މުހައްމަދު ރަޝީދު ވިދާޅުވި އެވެ.ޕީއެންސީއަށް ވެރިކަމާ އެކު ރައްޔިތުންގެ މަޖިލިސް ވެސް ދީފައި ވާއިރު، ތިން އަހަރު ވެގެންދިޔައިރު ފެންނަނީ ރާއްޖެ ބަނގުރޫޓުވަމުންދާ ތަން ކަމަށް މުހައްމަދު ރަޝީދު ވިދާޅުވި އެވެ. ރާއްޖެ މިހާރު ދަނީ ދުވަހެއް ދުވަހަކަށް އަޑިއަށް ދަމުން ކަމަށާއި އެގޮތަށް އަޑިއަށްދާން ދޫކޮށްލައިފި ނަމަ އަންނަން އޮތް ޖީލުތަކަށް މި ރާއްޖެ ސަލާމަތްކޮށްދެވޭނެ އެއްވެސް ގޮތެއް ނޯންނާނެ ކަމަށް އޭނާ ވިދާޅުވި އެވެ.މިއީ މަޑުމަޑުން ބަލަހައްޓައިގެން ތިބެވޭނެ ކަމެއް ނޫން ކަމަށާއި ދެން އަންނަ އެމްޑީޕީ ގެ ވެރިކަމެއްގައި ލާމަރުކަޒީ ނިޒާމް ގެ ބާރުތައް އިއާދަކުރާނެ ކަަމަށް އޭނާ ވިދާޅުވި އެވެ. ކުރިއަށް އޮތް ލޯކަލް ކައުންސިލް އިންތިޚާބުގައި އެމްޑީޕީ އަށް އާއްމުން ވޯޓު ދޭން ޖެހޭ ކަމަށާއި ކައުންސިލްތަކުގެ ބާރު ކިރިޔާ ވެސް ދެމި އޮންނާނީ އޭރުން ކަމަށް ވެސް ބިގޭ ވިދާޅުވި އެވެ.