އޮންލައިން ގޭމެއް ނެރުތާ އެންމެ ހަތަރު ދުވަސް ތެރޭގައި ހަތަރު މިލިއަން ކުޅުންތެރިންގެ އަދަދު ފަހަނައަޅާފައި ގޮސްފިއެވެ.
ވީޑިއޯ ގޭމް ކުންފުނި ބެތެސްޑާއިން ކަށަވަރުކޮށްދީފައިވާ ގޮތުގައި 2006 ވަނަ އަހަރު ނެރެފައިވާ އާރްޕީޖީ ގޭމް "އެލްޑާ ސްކްރޯލްސް 4: އޮބްލިވިއަން" ގެ ރީމާސްޓާޑް ވާޝަން ވަނީ ބާޒާރަށް ނެރުނުތާ އެންމެ 4 ދުވަހުގެ ތެރޭގައި 4 މިލިއަން ކުޅުންތެރިންގެ އަދަދު ފަހަނައަޅައި ގޮސްފަ އެވެ.
މި ގޭމް އެއްވެސް އިޝްތިހާރެއް ނެތި އާންމުކޮށް އިއުލާންކޮށް ނެރެފައިވަނީ މި އަހަރުގެ އޭޕްރިލް 22 ވަނަ ދުވަހު ޕީސީ، ޕީއެސް 5 އަދި އެކްސްބޮކްސް ސީރީޒް އެސް/އެކްސް ޕްލެޓްފޯމްތަކަށެވެ. އޭގެފަހުން މި ގޭމް، ސްޓީމް ޕްލެޓްފޯމްގައި ވެސް ހިޓަކަށްވެ، 200,000 އަށްވުރެ ގިނަ ކުޅުންތެރިން އެއްފަހަރާ މި ގޭމް ކުޅެފައި ވެއެވެ.
ބެތެސްޑާއިން މި އަދަދުތައް ހާމަކޮށްފައިވަނީ ހޮނިހިރު ދުވަހު "އެކްސް" ގައި ކުރި ޕޯސްޓެއްގަ އެވެ. "މިހާތަނަށް 4 މިލިއަންއަށް ވުރެ ގިނަ ކުޅުންތެރިން އޮބްލިވިއަން ރީމާސްޓަރޑް މެދުވެރިކޮށް ސައިރޯޑިލްއަށް ދަތުރުކޮށްފައިވާތީ އަޅުގަނޑުމެން ވަރަށް ޝުކުރުވެރިވަމެވެ! ޝުކުރިއްޔާ!" އެ ސްޓޫޑިއޯއިން ބުނެފައި ވެއެވެ.
މި އަދަދުގައި ހުރިހާ ޕްލެޓްފޯމްތަކުގެ ކުޅުންތެރިން ހިމެނޭއިރު، މީގެ ބޮޑު ބައެއް އެކްސްބޮކްސް ގޭމް ޕާސް މެންބަރުންގެ ފަރާތުން ކަމަށް ލަފާކުރެވެއެވެ. އޮބްލިވިއަން ރީމާސްޓާޑް މައިކްރޯސޮފްޓްގެ ގޭމް ސަބްސްކްރިޕްޝަން ސާވިސްގައި ފުރަތަމަ ދުވަހުން ފެށިގެން ލިބެންހުރި ގޭމެކެވެ. އެހެންކަމުން ޕީސީ ގޭމް ޕާސް އަދި ގޭމް ޕާސް އަލްޓިމެޓް ސަބްސްކްރައިބަރުންނަށް މި ގޭމް ހިލޭ ކުޅެވެ އެވެ.
ގޭމް ޕާސްގައި ލިބެން ހުރި ނަމަވެސް، އޮބްލިވިއަން ރީމާސްޓަޑް ވަނީ ސްޓީމްގައި ވެސް ވަރަށް ބޮޑު ހިޓަކަށްވެފައެވެ. ސްޓީމްޑީބީ ޗާޓްތަކުން ދައްކާގޮތުގައި، މި ގޭމް މިހާރު ވަނީ އެއްފަހަރާ 200,000 އަށްވުރެ ގިނަ ކުޅުންތެރިންގެ އަދަދު ފަހަނައަޅާފަ އެވެ. މި ލިޔުން ތައްޔާރުކުރެވުނުއިރު 74,000 އަށްވުރެ ގިނަ ކުޅުންތެރިން މި ގޭމް ކުޅެމުންދިޔައެވެ.
ބެތެސްޑާގެ މި އާރްޕީޖީ ގޭމް މިވަގުތު ސްޓީމްގައި އެންމެ ގިނައިން ކުޅޭ ގޭމްތަކުގެ ތެރޭގައި ހިމެނޭއިރު، ހަމައެކަނި ކައުންޓަރ-ސްޓްރައިކް 2، ޕަބްޖީ: ބެޓްލްގްރައުންޑްސް އަދި ޑޯޓާ 2 ފަދަ ބޮޑެތި ހިޓް ގޭމްތަކަށް ވޭތުވެދިޔަ 24 ގަޑިއިރުގެ ތެރޭގައި މިއަށްވުރެ ގިނަ ކުޅުންތެރިން ލިބިފައިވެއެވެ.
އެލްޑަރ ސްކްރޯލްސް 4: އޮބްލިވިއަން ރީމާސްޓަރޑް އޭޕްރިލް 22 ގައި "ޝެޑޯ ޑްރޮޕް" ކުރެވުނީ ގިނަ ލީކްތަކަކުން މި ޕްރޮޖެކްޓް މިމަހު ނެރުމަށް ތައްޔާރުވަމުންދާކަން ދައްކުވައިދިނުމަށްފަހުގައެވެ. ރީމާސްޓަރގައި އަންރިއަލް އިންޖީން 5 ގައި އަލުން ބިނާކުރެވިފައިވާ ގޭމް އެސެޓްތަކާއެކު އަޕްގްރޭޑްކުރެވިފައިވާ ގްރެފިކްސް ހިމެނެއެވެ.
މީގެއިތުރުން މި ރީމާސްޓަރގައި ގޭމްޕްލޭ އަދި ޔޫއައި އިމްޕްރޫވްމަންޓްތައް ގެނެސްފައިވާއިރު، އާރްޕީޖީ މޮޑަނައިޒްކުރާ އައު ކޮލިޓީ-އޮފް-ލައިފް ފީޗަރތައްވެސް އިތުރުކޮށްފައިވެއެވެ. ރީމާސްޓަރގައި މައި ގޭމްގެ އިތުރުން، ޝިވަރިންގ އައިލްސް އަދި ނައިޓްސް އޮފް ދަ ނައިން ސްޓޯރީ އެކްސްޕެންޝަންތަކާއި އިތުރު ޑައުންލޯޑް ކުރެވޭ ކޮންޓެންޓްވެސް ހިމެނޭ، މީގެ ތެރޭގައި މަޝްހޫރު "ހޯސް އާމަރ ޕެކް" ވެސް ހިމެނެއެވެ.
އޮބްލިވިއަން ރީމާސްޓަރޑް މިހާރު ޕީސީ، ޕީއެސް5 އަދި އެކްސްބޮކްސް ސީރީޒް އެސް/އެކްސްގައި ލިބެން ހުރެއެވެ.
ވީޑިއޯ ގޭމެއް ނެރުނުތާ ހަތަރު ދުވަސްތެރޭ ހަތަރު މިލިއަން ކުޅުންތެރިން ވީޑިއޯ ގޭމެއް ނެރުނުތާ ހަތަރު ދުވަސްތެރޭ ހަތަރު މިލިއަން ކުޅުންތެރިން
އަރުޝީފަށް ނެގީ
އެންމެފަހުން އަޕްޑޭޓްކުރީ
އެންމެފަހުން އަޕްޑޭޓްކުރީ
