އޭޖީ އޮފީހުން ތައްޔާރުކުރި، މީޑިއާ ކޮމިޝަންގެ ބިލުގައި އޮތީ މެންބަރުގެ އަމިއްލަ ޚިޔާލު ކަމަށް ބުނެ އަސްވާޑު ދޮގު ހަދައިފިއެވެ. މީޑިޔާތައް ޖޫރިމަނާކޮށް، އަދި މީޑިޔާ ކޮމިޝަން އުވާލައި މުއިއްޒު އައްޔަން ކުރާ ބައެއް ތިބޭ ގޮތަށް އެކުލާވާލި މި ބިލަކީ އޭޖީ އޮފީހުން ރައީސް މުއިއްޒު އެދިގެން ތައްޔާރުކޮށް ހުށައަޅާފައިވާ ބިލެކެވެ.
އަސްވާޑު ހީކުރީ ނޫސްވެރިންތަކަކީ މޮޔައިން ތަކެއް ކަމަށް! ނޫސްވެރިއަކަށް ހުރެ، މިނިސްޓަރު ކަން ލިބުމުން އަސްވާޑު ފެށީ ނޫސްވެރިންގެ ލޭ ބޯން!
ރާއްޖޭގެ ނޫސްވެރިއަކު ދިޔަވަރަށް ފޮނުވި މެސެޖެއްގައި ވެއެވެ.
ރާއްޖޭގެ ޤާނޫނު ބުނާ ގޮތުން މިއީ ހުށައެޅޭނެ ބިލެއްވެސް ނޫނެވެ. ޤާނޫނީ ވަކީލު އަހްމަދު މައުރޫފް ކޮށްފައިވާ ޓްވީޓްގައި ވާގޮތުން، ރައްޔިތުންގެ މަޖިލީހުގެ ގަވާއިދުގެ 90 ވަނަ މާއްދާގެ (ށ) ގައި ބަޔާންކުރަނީ، ޓެކުހެއް ނުވަތަ ފައިސާއެއް ނަގަންޖެހޭނެ ބިލެއް ނުވަތަ ދައުލަތުގެ މާލިއްޔަތުން ސީދާގޮތުން އެއްވެސް ފަރާތަކަށް ފައިސާއެއް ދޭންޖެހިދާނެ އެއްވެސް ކަމެއް ހިމެނޭ އެއްވެސް ބިލެއް (މަނީ ބިލު) ހުށަހެޅޭނީ ސަރުކާރުން ކަމަށް، ވެއެވެ.
އެހެންކަމުން އޭޖީއިން މިބިލް ތައްޔާރު ކޮށް، އަމިއްލަ އަށް ހުށަނާޅައި ޤާނޫނާއި ޚިލާފަށް މަޖިލިސް މެމްބަރަކު ލައްވާ ބިލް ހުށައަޅާފައިވަނީ، ބޭރު ޤައުމުތަކަށާއި، ޖަމިއްޔާ ޖަމާއަތްތަކަށް އޮޅުވާލުމަށެވެ.
ރައީސް މުއިއްޒު ހީކުރަނީ އޮޅުވާލައިގެން ދޮގު ހަދައިގެން އޭނާއަށް ކޮންމެ ކަމަކުންވެސް ރެކިގަނެވޭނެ ކަމަށެވެ.